ირაკლი ღარიბაშვილი - ვაპირებთ, რომ გავხსნათ თურქეთის ბაზარი, შემოვიდეს მაღალი ხარისხის მედიკამენტები, რაც ჩვენი პროგნოზებით, ძალიან გააიაფებს ფასებს

საქართველოს პრემიერ-მინისტრის ირაკლი ღარიბაშვილის განცხადებით, მედიკამენტებზე ფასების კლების მიმართულებით კონკრეტულ გადაწყვეტილებას მთავრობა მიმდინარე კვირას მიიღებს. როგორც მან მთავრობის სხდომაზე განაცხადა, იგეგმება თურქეთის ბაზრის გახსნა და იქიდან ხარისხიანი მედიკამენტების შემოტანა საქართველოში და ასევე საკანონმდებლო ბაზის შეცვლა, რაც პრემიერის თქმით, მედიკამენტებზე ფასებს მნიშვნელოვნად შეამცირებს.

„მოგეხსენებათ, რომ ჩვენი დაპირება შესრულდა - აზარტული თამაშების საკითხი დარეგულირდა ქვეყანაში, პარლამენტს მადლობა, კიდევ ერთხელ, რომ მიიღეს შესაბამისი კანონი.

კიდევ ერთი დაპირება, რაც ჩვენ გვაქვს მედიკამენტების ფასებთან დაკავშირებით, ამ თემაზე ჩვენ ამ კვირაში მივიღებთ გადაწყვეტილებებს, რაც ჩვენი პროგნოზით, მნიშვნელოვნად შეამცირებს მედიკამენტებზე ფასებს. ფარმაცევტული ბაზრის ანგარიში დასრულებულია, კონკურენციის სააგენტომ დაასრულა მუშაობა, ახალი მინისტრი უკვე შეხვდა კონკურენციის სააგენტოს ხელმძღვანელს, მათ ერთად დაგეგმეს შემდგომ გასატარებელი ღონისძიებები. ჩვენ, ასევე, ვაპირებთ, რომ გავხსნათ თურქეთის ბაზარი, თურქეთიდან შემოვიდეს ხარისხიანი, მაღალი ხარისხის მედიკამენტები, რაც ჩვენი პროგნოზებით, ძალიან გააიაფებს ფასებს მედიკამენტებზე და ამის გარდა, ჩვენ ასევე ვიმუშავებთ კანონმდებლობაზე, რომელიც კიდევ უფრო გააუმჯობესებს სიტუაციას ამ მიმართულებით“,- განაცხადა პრემიერმა.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა