„საქართველოს ბიზნეს ასოციაცია“ - თურქეთთან ფარმაცევტული ბაზრის გახსნა გონივრული და დროული ნაბიჯია

საქართველოს ბიზნეს ასოციაციის“ შეფასებით, საქართველოს მთავრობისა და კერძოდ, პრემიერ-მინისტრის ინიციატივა თურქეთთან ბაზრის გახსნასთან დაკავშირებით გონივრული და დროული ნაბიჯია.

„საქართველოს ბიზნეს ასოციაცია“ განცხადებას ავრცელებს, სადაც აღნიშნულია, რომ ასოციაცია განაგრძობს ფარმაცევტულ ბაზარზე არსებული გამოწვევების შესწავლას და წევრი კომპანიების საჭიროებებისა და გამოწვევების გაანალიზებას.

„რეფორმის გატარების დროს აუცილებელია ყველა მხარის ინტერესები იქნას დაცული და გათვალისწინებული. მიგვაჩნია, რომ მნიშვნელოვანია არსებული კანონმდებლობის გადახედვა და შესაბამისი, სამართლიანი გადაწყვეტილებების მიღება, რომელიც გათვლილი იქნება როგორც მოქალაქეებზე, ასევე ფარმაცევტულ სექტორში მოღვაწე კომპანიებზე. მოხარულნი ვართ, რომ მედიკამენტების ხარისხისა და ღირებულების რეგულირების პროცესში ჩართულია კონკურენციის სააგენტო, რომელიც დეტალურ ინფორმაციას ფლობს ფარმაცევტულ ბაზარზე არსებულ სიტუაციასთან დაკავშირებით.

საქართველოს ბიზნეს ასოციაციის წევრმა კომპანიებმა პრემიერ ღარიბაშვილთან შეხვედრის დროს „ბაზრის გახსნის“ აუცილებლობის საკითხზე იმსჯელეს, რაც თანაბრად სამართლიან მდგომარეობაში ჩააყენებდა როგორც ფარმაცევტულ სექტორში მომუშავე ბიზნეს ოპერატორებს, ასევე მოსახლეობას, რომელიც შეძლებს გაიაფებული და ხარისხიანი მედიკამენტების მიღებას.

იმედს გამოვთქვამთ, რომ აღნიშნული პროცესი დინამიურად და კონსტრუქციულად წარიმართება, რაც მეტად მნიშვნელოვანია როგორც მოსახლეობისთვის, ასევე ამ სექტორში მოღვაწე კომპანიებისა და მთლიანად ბიზნესისთვის, რადგან აუცილებელია ბიზნეს ჰქონდეს დაცულობისა და სამართლიანობის შეგრძნება, რაც პოზიტიურად აისახება როგორც უცხოური, ასევე ადგილობრივი ინვესტიციების მოზიდვის დროს“,- ნათქვამია საქართველოს ბიზნეს ასოციაციის განცხადებაში.

ცნობისთვის, საქართველოს პრემიერ-მინისტრის ირაკლი ღარიბაშვილის განცხადებთ, თურქეთის ბაზრის გახსნა და იქიდან საქართველოში ხარისხიანი მედიკამენტების შემოტანა იგეგმება. მისივე თქმით, დაგეგმილია საკანონმდებლო ბაზის შეცვლაც, რაც პრემიერის თქმით, მედიკამენტებზე ფასებს მნიშვნელოვნად შეამცირებს.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!