ადვოკატი - მიხეილ სააკაშვილს დღემდე არ ეძლევა საკუთარი ექიმის მომსახურების მიღების საშუალება

მიხეილ სააკაშვილს დღემდე არ ეძლევა საკუთარი ექიმის მომსახურების მიღების საშუალება, რაც არის კანონმდებლობით გარანტირებული უფლება, რომელსაც სასჯელაღსრულების სისტემა ყოველდღიურად არღვევს, - ამის შესახებ მიხეილ სააკაშვილის ადვოკატმა, გიორგი მშვენიერაძემ რუსთავის ციხესთან განაცხადა.

მშვენიერაძემ აღნიშნა, რომ ახალი რეგულაციის გამო, რომელიც ციხეში ვიზიტამდე „პისიარ" ტესტის გაკეთებას ავალდებულებს, ის მიხეილ სააკაშვილს დღეს ვერ შეხვდა.

„ჩვენთვის არ იყო აქამდე ცნობილი, დღეს ახალი რეგულაცია ამოქმედდა, რომლის მიხედვითაც ვიზიტორები მხოლოდ "პისიარ" ტესტით დაიშვებიან და აღარ არის საკმარისი სწრაფი ტესტი, რომელსაც აქამდე ყოველი ვიზიტის წინ ვიკეთებდით. შესაბამისად, დღეს ვეღარ მოესწრება "პისიარ" ტესტის გაკეთება და შესვლა. დღეს გვინდოდა გვესაუბრა ბატონ მიხეილთან იმ პრობლემებზე, რომლის წინაშეც ის დგას. მიუხედავად იმისა, რომ ადვოკატებს, ჩემი კოლეგების ნაწილს "პისიარ" ტესტიც აქვთ გაკეთებული, არ ეძლევათ მასთან პირისპირ, მიყურადების გარეშე კომუნიკაციის საშუალება, რაც რეალურ დაბრკოლებას წარმოშობს დაცვის უფლების განხორციელების კუთხით“, - განაცხადა მშვენიერაძემ.

მან ასევე აღნიშნა, რომ მიხეილ სააკაშვილისთვის სატელეფონო კომუნიკაციის შეზღუდვა არის კონსტიტუციასთან შეუსაბამო. მშვენიერაძე ფიქრობს, რომ ამ საკითხთან დაკავშირებით, შესაძლოა, სასამართლოში საარჩელი შეიტანოს.

მან ასევე ყოფილი პრეზიდენტისთვის ალტერნატიული სამედიცინო მომსახურების შეზღუდვაზეც ისაუბრა.

„როცა ვლაპარაკობთ ჯანდაცვის უფლებებზე, უნდა ვთქვათ, რომ კანონმდებლობა სასჯელაღსრულების დაწესებულების ხელმძღვანელს აკისრებს ვალდებულებას წერილობითი უარი გვითხრას ალტერნატიული სამედიცინო მომსახურების მიღებაზე, რომლის გასაჩივრების საშუალებაც გვექნებოდა სასამართლოში, თუმცა ის ამასაც არ აკეთებს. მიუხედავად ამისა, ჩვენ, ადვოკატები, განვიხილავთ, რომ სასამართლოს უახლოეს პერიოდში ამასთან დაკავშირებით მივმართოთ“, - აღნიშნა გიორგი მშვენიერაძემ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!
ერთად ყოფნის 10 წელი - „კარფური“ 10 წლის იუბილეზე ერთგულ მომხმარებლებს, ყოველ თვე განსაკუთრებული პრიზებით დააჯილდოებს
ფრანგულ ბრენდ  ETAM-ის ახალი ფილიალი „დრესაპ ჯგუფისგან“
„კავკასუს ონლაინის“ გენერალური დირექტორი განცხადებას ავრცელებს