მიხეილ სარჯველაძე - არ მგონია, "ნაციონალური მოძრაობა" საკადრო ცვლილებებით იცვლიდეს სახეს

არ მგონია, "ნაციონალური მოძრაობა" საკადრო ცვლილებებით იცვლიდეს სახეს, რეალურად, ის კვლავ ქართული პოლიტიკის მთავარ დესტრუქციულ ძალად დარჩება - ერთადერთი რაც მოსალოდნელია, არის გამწვავება, რომ უფრო მეტად დესტრუქციული გახდეს ,- ამის შესახებ ადამიანის უფლებათა კომიტეტის თავმჯდომარე მიხეილ სარჯველაძემ ჟურნალისტებთან განაცხადა, რითაც "ნაციონალური მოძრაობის" პოლიტსაბჭოს სხდომაზე მიღებულ გადაწყვეტილებებს გამოეხმაურა.

როგორც მან აღნიშნა, კონკრეტული პირების ერთმანეთთან შედარება მისი საქმე არ არის, თუმცა, ფაქტია, რომ "ნაციონალურ მოძრაობას" დღითი დღე სულ უფრო მეტი ექნება ჯანსაღი ძალების დეფიციტი.

"ახალი და მოულოდნელი ალბათ, ამაში არაფერი ყოფილა, ამაზე მეტყველებს თავად ნიკა მელიას გადაწყვეტილებებიც და საქციელიც, როგორიც იყო დიდი ხნის განმავლობაში „ნაციონალური მოძრაობის“ ბანერის ფონის გარეშე წარდგომა საზოგადოების წინაშე და ბევრი სხვა. მე არ მგონია, რომ დიდი მოლოდინები უნდა გააჩინოს საზოგადოებაში ამ ცვლილებებმა, არ მგონია "ნაციონალური მოძრაობა" ამით იცვლიდეს სახეს, ის რეალურად კვლავ დარჩება ქართული პოლიტიკის მთავარ დესტრუქციულ ძალად. ერთადერთი მოსალოდნელი თუ იქნება, არის გამწვავება ამ მიმართულებით, რომ უფრო მეტად დესტრუქციული გახდეს და აქტიური დესტრუქციული გეგმების განხორციელებაში, სხვა მოლოდინები არ უნდა გვქონდეს. "ნაციონალური მოძრაობის" რიგებში რომელიმე თანამდებობის პირის ან წევრის ერთმანეთთან შედარებისგან თავს შევიკავებდი, ეს არ არის ჩემი საქმე, მაგრამ ფაქტია, რომ დღითი დღე სულ უფრო მეტი ექნება "ნაციონალურ მოძრაობას" დეფიციტი ჯანსაღი ძალებისა საკუთარ რიგებში",- განაცხადა სარჯველაძემ.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში