დავით უსუფაშვილი მამუკა ხაზარაძის მიერ პარლამენტის დატოვებაზე - მაშინ საქართველოში არ ვიყავი, არ ვურჩევდი

„ლელოს“ ერთ-ერთი ლიდერის, დავით უსუფაშვილის განცხადებით, მამუკა ხაზარაძის მიერ პარლამენტის დატოვების დროს რომ საქართველოში ყოფილიყო, ის ხაზარაძეს ამ ნაბიჯის გადადგმას არ ურჩევდა. ამის შესახებ უსუფაშვილმა „პალიტრანიუსის“ გადაცემა „360 გრადუსში“ განაცხადა.

კითხვაზე: მამუკა ხაზარაძის მიერ პარლამენტის დატოვება იყო შეცდომა მაშინ, როდესაც საგამოძიებო კომისიის შესაქმნელად ოპოზიციისთვის თითოეულ მანდატს ოქროს ფასი აქვს? - უსუფაშვილმა უპასუხა:

„მე არ ვიყავი მაშინ საქართველოში, არ ვურჩევდი! მორჩა! თუმცა, პოლიტიკური ნაბიჯები პოლიტიკურმა ლიდერმა ძალიან ხშირად უნდა გადადგას სარისკო და ზოგჯერ არაერთგვაროვანი და ერთმნიშვნელოვანი. ვნახოთ, მომავალმა შესაძლოა აჩვენოს, რომ ეს სწორი ნაბიჯი იყო. თუმცა, მგონია, რომ პარლამენტში აქტიური ბრძოლა და აქტიურობა აუცილებელი მინიმუმია“, - განაცხადა უსუფაშვილმა.

ამასთან, უსუფაშვილმა სხვადასხვა პოლიტიკურ ძალასთან პარტნიორობაზე ისაუბრა და აღნიშნა, რომ ამ ეტაპზე „ლელოს“ პარტნიორი პარლამენტში „ნაციონალური მოძრაობაა“.

„საქმით ერთობა სწორია, კარგია, მაგრამ შეცდომებში ერთობა გაგიგიათ? ჩვენ ჩვენი გზით მივდივართ და ამ გზაზე ვინც გადაგვაწყდება პარტნიორი [ვითანამშრომლებთ]. ამ წუთში პარლამენტში შემოსული „ნაციონალური მოძრაობა“ არის პარტნიორი - საარჩევნო საკითხებში იყო პარტნიორი, შარლ მიშელის დოკუმენტზე იყო პარტნიორი, მერე სერიოზული შეცდომა დაუშვეს, დროზე ხელი არ მოაწერეს და აქ არ ვყოფილვართ პარტნიორები და არ გავყოლივართ მათ არასწორ ქმედებაში“, - განაცხადა უსუფაშვილმა.

რაც შეეხება „ნაციონალურ მოძრაობაში“ დღეს განხორციელებულ ცვლილებებს, როგორც უსუფაშვილი აღნიშნავს, ცვლილებები სწორი იყო თუ არა, ეს პარტიის და ამომრჩევლის საქმეა.

„მათ შიდა სტრუქტურაში ვერ ვერკვევი. მთავარია, ვიცი, რომ ნიკა მელია არის თავმჯდომარე, რომელთანაც ბოლო წლების განმავლობაში საკმაოდ საინტერესო ურთიერთობა ჩამოუყალიბდა ბევრ პოლიტიკოსს და მათ შორის, მეც“, - განაცხადა უსუფაშვილმა და დასძინა, რომ „ლელო“ „ნაციონალურ მოძრაობასთან“ სერიოზულო პარტნიორულ ურთიერთობებს გააგრძელებს.

ნიკა მელიასთან გვქონდა და გვაქვს ურთიერთობა, პარლამენტში ხატია დეკანოიძეს და სხვებთან გვაქვს ურთიერთობა. შიგნით როგორ დალაგდებიან, ეს პარტიის და ამომრჩევლის საქმეა. მე ნაკლებად მაინტერესებს ეს თემა. ვაგრძელებთ ძალიან სერიოზულ პარტნიორულ ურთიერთობებს, მაგრამ არ ვართ იმ ჭკუაზე, რომ მაინცდამაინც სხვისი შეცდომები ვაქციოთ საკუთარ შეცდომებად ისევე, როგორც მათ არ სურთ ჩვენი შეცდომები აქციონ საკუთარ შეცდომებად“, - განაცხადა უსუფაშვილმა.

მისივე თქმით, რას შეცვლის კობა ნაყოფიას პოლიტსაბჭოს თავმჯდომარედ დანიშვნა არ იცის, რადგან „ნაცმოძრაობაში“ გადაწყვეტილებებს უმეტესწილად ერთი კაცი იღებდა ხოლმე, „ახლა როგორ არის არ ვიცი“.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა