მიხეილ სააკაშვილი - ბუქარესტის ფორმულირების გაუქმებას ცდილობს ახლა რუსეთი - 2009-ში პუტინისგან 3 მეტრში ვიჯექი, როცა ამ გადაწყვეტილების ყველა ავტორს დაგვემუქრა

საქართველოს ყოფილი პრეზიდენტის, მიხეილ სააკაშვილის განცხადებით, რუსეთი ცდილობს ბუქარესტის ფორმულირების გაუქმებას იმის თაობაზე, რომ „საქართველო და უკრაინა გახდებიან ნატოს წევრები".

ამის შესახებ სააკაშვილი „ფეისბუკის“ საკუთარ გვერდზე წერს.

სააკაშვილი ფიქრობს, რომ მისი პატიმრობის ერთ-ერთი მიზეზი სწორედ ეს ჩანაწერია.

„ბუქარესტის ფორმულირება იმის თაობაზე, რომ "საქართველო და უკრაინა გახდებიან ნატოს წევრები", ინტენსიური ბრძოლით ჩვენ, პოლონელებმა და ლიეტუველებმა, ამერიკელების დახმარებით გამოვგლიჯეთ გერმანელებსა და ფრანგებს. სწორედ ამ ფორმულირების გაუქმებას ცდილობს ახლა რუსეთი. 2009-ში მე პუტინისგან 3 მეტრში ვიჯექი, როცა ამ გადაწყვეტილების ყველა ავტორს დაგვემუქრა. აბა გამოიცანით, "ყველაზე ჭკვიანებმა", რისთვის ვარ დატყვევებული ციხეში?

ა) 4 პიჯაკის ყიდვის გამო,

ბ) ამნისტიის გამო,

გ) ვენოკების და იუშჩენკოს აბანოში მომსახურების გამო,

დ) ბუქარესტის ფორმულირების გამო და იმის გამო, რომ 2008-ში ქვეყანა არ ჩავაბარეთ რუსეთს“, - წერს სააკაშვილი.

თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
ქართული პრესის მიმოხილვა 08.08.2022
კახა ოქრიაშვილი აგვისტოს ომის მე-14 წლისთავთან დაკავშირებით განცხადებას ავრცელებს