ელგუჯა ცომაია პროკურორს - ხუმრობა შემიძლია? თუ ასეთი მომტაცებელი ვიყავი, ივანიშვილს მოვიტაცებდი, იმას აქვს ფული, რა თქმა უნდა, მიხეილ სააკაშვილს ვერ მოვიტაცებდი

მიხეილ სააკაშვილის საქართველოს საზღვრის კვეთის დახმარებაში ბრალდებულ ელგუჯა ცომაიას განცხადებით, მისი ავტომობილი, რომელშიც ის სააკაშვილთან ერთად იმყოფებოდა, პატრულის თანამშრომელმა გააჩერა, თუმცა, ის მანქანის გაფუჭებული ნათურების გამო დააჯარიმეს. როგორც ცომაიამ განმარტა, ისინი პატრულის თანამშრომელმა მაშინ გააჩერეს, როცა ბათუმიდან თბილისში აპირებდნენ დაბრუნებას.

"მიხეილ სააკაშვილმა მოდი, ბათუმში წავიდეთო, წავედით ბათუმში, ერთ ადგილას 5 წუთი იყო, მეორე ადგილასაც 5 წუთი ვიყავით და წამოვედით. უკან ვბრუნდებოდით, ღამე იყო, 9-10 საათი იქნებოდა, გზაში პატრულმა გაგვაჩერა, მათვალიერებდა მეც, მიხეილ სააკაშვილსაც. ვნერვიულობდი, კაცი აგერ გვერდით მიზის, მაგრამ უკანა ნათურები არ გინათებსო და ჯარიმას გამოგიწერო. გულში ვფქირობ, გაგახარა ღმერთმა-მეთქი. ჯარიმა გამომიწერა და წამოვედით",- განაცხადა ცომაიამ.

მას პროკურორმა გრიგოლ ნიშნიანიძემ მიხეილ სააკაშვილის ერთ-ერთ ვიდეოჩანაწერთან დაკავშირებითაც დაუსვა კითხვა, რომელშიც სააკაშვილი ამბობდა, რომ ის გაიტაცეს.

"ხუმრობა შემიძლია? თუ ასეთი მომტაცებელი ვიყავი, ივანიშვილს მოვიტაცებდი, იმას აქვს ფული. რა თქმა უნდა, მიხეილ სააკაშვილს მე ვერ მოვიტაცებდი",- განაცხადა ცომაიამ.

მან ასევე აღნიშნა, რომ მისთვის სააკაშვილის მის სახლში ყოფნა დიდი პატივი იყო.

"ჩემთვის დიდი პატივისცემა იყო მიხეილ სააკაშვილი ჩემ სახლში რომ იყო, ერთშიც, მეორეშიც და ბავშვების ოთახში რომ ეძინა. მინდა ახალი წელი მივულოცო მთელ საქართველოს. არავინ დაინტერესებულხართ, რატომ გავდგი ეს ნაბიჯი",- განაცხადა ცომაიამ.

ადვოკატებმა ელგუჯა ცომაიას მადლობა გადაუხადეს და ბოდიში მოუხადეს.

ცნობისთვის, ელგუჯა ცომაიას მძიმე დანაშაულის დაფარვასა და საზღვრის უკანონო გადმოკვეთაში დახმარებას ედავებიან. ის ბრალს აღიარებს.

ადვოკატებმა შალვა და ზურაბ წოწორიებისა და გიორგი ნარიმანიძის გამოკითხვის ოქმები უდაოდ ცნეს, რის გამოც, ისინი სასამართლოში აღარ დაიკითხებიან.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 28.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი