ლაშა დარსალია - საერთაშორისო პარტნიორებთან  აქტიური კომუნიკაცია გვქონდა სხვადასხვა დონეზე, რაც  საჯარო გზავნილებშიც აისახა - მკაფიოდ გაივლო წითელი ხაზები, რომ ბუქარესტის გადაწყვეტილება არ ექვემდებარება რევიზიას

საერთაშორისო პარტნიორებთან აქტიური კომუნიკაცია გვქონდა სხვადასხვა დონეზე, რაც ნატო-ს გენერალური მდივნის და სხვადასხვა პარტნიორების მხრიდან საჯარო გზავნილებშიც აისახა, - ამის შესახებ საგარეო საქმეთა მინისტრის მოადგილე ლაშა დარსალიამ აშშ-რუსეთისა და ნატო- რუსეთის მოლაპარაკებებთან და რუსეთის მოთხოვნებთან დაკავშირებით განაცხადა.

მისი თქმით, კომიტეტის დახურულ სხდომაზე მან ამ კომუნიკაციის შესახებ დეპუტატებს ინფორმაცია მიაწოდა.

„დოკუმენტთან მიმართებით, რაც რუსეთმა გაავრცელა, რამდენიმე მნიშვნელოვანი ფაქტორია ხაზგასმული, ამით პრაქტიკულად რუსეთი საერთაშორისო საზოგადოებისგან ითხოვდა, აღიარებული ყოფილიყო ევროპის დაყოფა უსაფრთხოების ზონებად, კერძო ექსკლუზიური გავლენის სფეროებად. ერთ-ერთი მნიშვნელოვანი მოთხოვნა, რასაც აყენებდა არის ის, რომ პოსტსაბჭოთა ქვეყნები და მათ შორის, საქართველო არ უნდა გახდნენ ნატო- ს წევრები და ამაზე ვალდებულება უნდა აიღოს დასავლეთმა, რაც ცალსახად არის წინააღმდეგობაში საერთაშორისო სამართალთან, სუვერენიტეტის პრინციპთან და თავისთავად საქართველოს ინტერესების წინააღმდეგ არის მიმართული. ეს იყო ის საკითხი, რაზეც დასავლელ პარტნიორებთან გვქონდა პირველივე დღეებიდან კომუნიკაცია, როცა ეს პროცესები დაიწყო. საქართველო აქტიურ კომუნიკაციაში იყო ჩართული როგორც აშშ-სთან, ასევე ნატო-ს 30- ვე წევრ ქვეყანასთან, აქტიურად მუშაობდნენ პარტნიორებთან საელჩოები, რათა საქართველოს საკითხები სათანადოდ ყოფილიყო ხაზგასმული და წამოწეული. ამის შედეგია სწორედ ის აქტიური ჩართულობა, რომელიც განხორციელდა საქართველოს და პარტნიორებს შორის რამდენიმე დონეზე და რამდენიმე სახის, რომელიც გრძელდება, ეს არის როგორც პირდაპირი საუბრები მაღალ დონეზე, იყო სხვადასხვა დონის ჩართულობა და ეს აისახა საჯარო გზავნილებშიც ნატო- ს გენერალური მდივნის მხრიდან თუ პარტნიორების მხრიდან და მკაფიოდ გაივლო წითელი ხაზები, რომ ბუქარესტის სამიტის გადაწყვეტილება არ ექვემდებარება რევიზიას და საქართველოს და სხვა ქვეყნების, მათ შორის, უკრაინის სუვერენიტეტის და ტერიტორიული მთლიანობის საკითხები არ არის მსჯელობის და ვაჭრობის საკითხი. ის, რომ სათანადოდ ყოფილიყო წამოწეული საქართველოს საკითხი, მეტწილად მიღწეულია და მუშაობა ამ მიმართულებით გრძელდება. ცალსახად საქართველოს მთავარი ინსტრუმენტი არის პარტნიორების მკაფიო მხარდაჭერა, რამაც მნიშვნელოვანი, პრევენციული როლი უნდა ითამაშოს საფრთხეებზე, რომლის წინაშეც საქართველო დგას", - განაცხადა დარსალიამ.

ცნობისათვის, პარლამენტის საგარეო ურთიერთობათა და თავდაცვის კომიტეტების გაერთიანებულ სხდომაზე აშშ-რუსეთისა და ნატო-რუსეთის მოლაპარაკებების პროცესთან დაკავშირებით დეპუტატებმა საქართველოს საგარეო საქმეთა მინისტრის პირველ მოადგილე ლაშა დარსალიას და თავდაცვის მინისტრის მოადგილე გრიგოლ გიორგაძეს მოუსმინეს.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!