ვეტოს ძალიან მარტივად დაძლევდა „ქართული ოცნება“ და პრეზიდენტს საბოლოო ჯამში, შეიძლება უბრალოდ შერჩენოდა მმართველ პარტიასთან ურთიერთობის გაფუჭება, ალბათ, ამან გადაწონა და არ დაადო ვეტო სახელმწიფო ინსპექტორის შესახებ კანონს, - ამის შესახებ ჟურნალისტებთან „გირჩის“ დეპუტატმა ჰერმან საბომ განაცხადა.

მისი თქმით, პრეზიდენტმა დაინახა, რომ ვეტოს დადებას რაიმე შინაარსი არ ექნებოდა და სწორედ ამიტომ მიიღო ეს გადაწყვეტილება.

„კარგი პრეცედენტი იქნებოდა პრეზიდენტს პირველი ვეტო დაედო სახელმწიფო ინსპექტორის შესახებ კანონზე იმის პარალელურად, რომ მას ძალიან არ მოსწონდა ის ფორმა, როგორც მოხდა მისი ინიცირება და მიღება. თუმცა, ის ფაქტი, რომ ვეტოს ძალიან მარტივად დაძლევდა "ქართული ოცნება" და პრეზიდენტს საბოლოო ჯამში, შეიძლება უბრალოდ შერჩენოდა მმართველ პარტიასთან ურთიერთობის გაფუჭება, შეიძლება ამან გადაწონა და არ დაადო ვეტო.

მე დავინახე, რომ მან ადეკვატურად შეაფასა ის პოლიტიკური პროცესები რაც ქვეყანაში და დაინახა, რომ დიდი შინაარსო ვეტოს დადებას არ ექნებოდა და საქმე არ გვაქვს იმასთან, რომ არგუმენტაცია ვეტოსთვის გაუჭირდებოდა. მისი კრიტიკა საკმარისი არგუმენტაცია იქნებოდა რომ ვეტო დაედო, ყოველ შემთხვევაში, მოსახლეობის თვალში მაინც,“ - განაცხადა ჰერმან საბომ.