ადვოკატი - როცა პროკურატურამ შემოგვთავაზა, საქმის მასალებს გავცნობოდით, ამით პრაქტიკულად აღიარა, რომ მიხეილ სააკაშვილი დაზარალებულია - უბრალოდ ხელისუფლებას არ სურს, ოფიციალურ დოკუმენტებში სტატუსი იყოს დეკლარირებული

როცა პროკურატურამ მიხეილ სააკაშვილის უფლებადამცველებს შემოგვთავაზა, რომ საქმის მასალებს გავცნობოდით, ამით მათ ხაზი გაუსვეს ძალიან მარტივ რამეს, ისინი პრაქტიკულად აღიარებენ მიხეილ სააკაშვილის დაზარალებას , - ამის შესახებ მიხეილ სააკაშვილის ადვოკატმა შოთა თუთბერიძემ „პალიტრანიუსის“ გადაცემაში „თავისუფალი სტუდია“ განაცხადა.

შოთა თუთბერიძის განცხადებით, პროკურატურის გადაწყვეტილება გასაჩივრდება, ხოლო თუ მოთხოვნა არ დაკმაყოფილდება და მიხეილ სააკაშვილს დაზარალებულად არ ცნობენ, ბრძოლა საერთაშორისო დონეზე გაგრძელდება.

„ეს გახლავთ ძალიან კომიკური საკითხის კიდევ ერთი დემონსტრაცია. დაზარალებულის ერთ-ერთი მთავარი უფლება არის სწორედ მასალების გაცნობის უფლება. ამიტომ პროკურატურამ როცა შემოგვთავაზა მიხეილ სააკაშვილის უფლებადამცველებს, რომ გავცნობოდით საქმის მასალებს, ამით მათ ხაზი გაუსვეს ძალიან მარტივ რამეს, ისინი პრაქტიკულად აღიარებენ მიხეილ სააკაშვილის დაზარალებას, იმას, რომ მიხეილ სააკაშვილი დაზარალებულია, უბრალოდ არ სურს ამ ხელისუფლებას, რომ ოფიციალურ დოკუმენტებში, საგამოძიებო დოკუმენტებში, სასამართლო დოკუმენტებში იყოს სტატუსი დეკლარირებული და მიხეილ სააკაშვილის სახელისა და გვარის გასწვრივ ეწეროს, რომ საქართველოს მესამე პრეზიდენტი არის დაზარალებული. ეს არის პროკურატურის ერთადერთი მოტივი. თუმცა ბუნებრივია, ჩვენ ამასთან შეგუებას არავითარ შემთხვევაში არ ვაპირებთ და სამართლებრივ ბრძოლას ამ კუთხით გავაგრძელებთ. მათ შორის ეს გადაწყვეტილება აუცილებლად გასაჩივრდება ზემდგომ პროკურორთანაც და თბილისის საქალაქო სასამართლოშიც და თუ შიდა ეროვნულ დონეზე, საქართველოს მართლმსაჯულების პირობებში, ეს აბსოლუტურად საფუძვლიანი მოთხოვნა არ დაკმაყოფილდება, ვაპირებთ ბრძოლის გაგრძელებას მათ შორის საერთაშორისო დონეზეც.

ამასთან, პროკურატურის განცხადება თავად, რომელიც საჯაროდ გავრცელდა, არცერთი აბზაცი არ არის დასაბუთებული, ვერ შევხვდებით არგუმენტებს თუ რატომ არ უნდა იყოს მიხეილ სააკაშვილი ცნობილი დაზარალებულად. აქ არ დგას კითხვის ნიშანი მიხეილ სააკაშვილი იყო თუ არა ის ადამიანი, ვინც ძალით წაიყვანეს, მოტყუებით წაიყვანეს. არ დგას კითხვის ნიშანი, მიხეილ სააკაშვილის გარდა სხვას ხომ არ მიადგა ფიზიკური ზიანი, ხომ არ მიაყენეს სიტყვიერი შეურაცხყოფა ამიტომ, გაუგებარია, პროკურატურა სხვა რას ელოდება. რა შეიძლება სხვა ამ საქმეზე დადგინდეს, რათა მიხეილ სააკაშვილმა პროკურატურის მიერ არ არსებული დადგენილი სტანდარტი დააკმაყოფილოს და დაზარალებულის სტატუსი მიიღოს“, - განაცხადა შოთა თუთბერიძემ.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა