ალუდა ღუდუშაური - ბატონი გახარიას რომელი აქტივობა ნახეთ ბოლოს, გარდა იმისა როცა ტელეფონით უთხრა მისი პარტიის წარმომადგენლებს, რომ „ნაციონალურ მოძრაობასთან“ ქორწინების აქტისთვის უნდა მოეწერათ ხელი?

ხელის გულზეა, როგორ პოლიტიკურ ქორწინებაშია „ნაციონალური მოძრაობა“ და გახარიას პარტია - მშვიდობაში მოახმაროს ღმერთმა „ნაციონალურ მოძრაობასაც“ გახარია და გახარიასაც სააკაშვილი თავისი „ნაციონალური მოძრაობით“, - ამის შესახებ „ქართული ოცნების“ წევრმა ალუდა ღუდუშაურმა ტელეკომპანია „პალიტრანიუსის“ გადაცემა „360 გრადუსში“ განაცხადა, რითაც უპასუხა კითხვას გიორგი გახარიას გუნდის წევრის ბექა ლილუაშვილის განცხადებასთან დაკავშირებით, რომ ხელისუფლება ანტისახელმწიფოებრივ კამპანიას ატარებს.

როგორც ღუდუშაურმა აღნიშნა, „ქვეყნის ყოფილ პრემიერსა და მმართველი გუნდის ყოფილ წევრებს ავიწყდებათ ის მძიმე რეალობა, რომლის გათვალისწინებითაც ხელისუფლებაში მოვიდნენ“. ღუდუშაურის თქმით, გახარიას პარტიის მხრიდან ანტისახელმწიფოებრიობაზე საუბარი სირცხვილია.

„თუ ვინმე ანტისახელმწიფოებრივ ქმედებას ახორციელებს, ეს მათი (გიორგი გახარიას) პარტია და ლიდერია. როდესაც ვინმე ანტისახელმწიფოებრიობაზე საუბრობს და ხელისუფლების მისამართით იშვერს თითს, მოსწონს ვინმეს თუ არა, ცხადია, რომ დღეს ქართული სახელმწიფო და მმართველი პოლიტიკური ძალა ორიენტირებულია ქვეყნისა და საზოგადოების ინტერესებზე. ამაში ყველა ერთიანი უნდა ვიყოთ, მაგრამ თუ ვინმე აქ თავის თავს ვერ ხედავს, მისი პრობლემაა. დღეს ჩვენს ქვეყანას და განსაკუთრებით ჩვენს მოსახლეობას საერთოდ არ აინტერესებს, რას ფიქრობს ოპოზიციის ცალკეული წარმომადგენელი ან მათი ბელადი სააკაშვილი. მათი ზრახვები და ინტერესები დღეს საქართველოს დღის წესრიგში ნამდვილად არ არის. ეს ფურცელი გადაშლილია, უკვე წარსულია. 2024-ში, როდესაც საპარლამენტო არჩევნები იქნება, მოემზადონ, საზოგადოებას თავიანთი ხედვები შესთავაზონ და თუ საზოგადოება ჩათვლის, რომ ნდობა უნდა გამოუცხადოს ხელისუფლებაში მოსაყვანად, შემდეგ ისაუბრონ ასე. ქართული სახელმწიფოს მართვა საზოგადოების მიერ „ქართულ ოცნებას“ აქვს ჩაბარებული. ამიტომ ჩვენი დღის წესრიგი საზოგადოების საჭიროებებზეა მორგებული. გამოწვევების ფონზე, რომელიც ქვეყანას, რეგიონს და მთლიანად მსოფლიოს აქვს, დიდი პასუხისმგებლობა გვმართებს, რომ ქვეყანა გავიყვანოთ არა მხოლოდ სამშვიდობოს, არამედ ამ ტურბულენტური სიტუაციიდან ჩვენი ქვეყანა კიდევ უფრო გაძლიერებული გამოვიდეს", - განაცხადა ღუდუშაურმა.

კითხვაზე, უქმნის თუ არა პრობლემას გიორგი გახარია „ქართულ ოცნებას“, ღუდუშაური ამბობს: „ბატონი გახარიას რომელი აქტივობა ნახეთ ბოლოს, გარდა იმისა როდესაც ტელეფონით უთხრა მისი პარტიის წარმომადგენლებს, რომ „ნაციონალურ მოძრაობასთან“ ქორწინების აქტისთვის უნდა მოეწერათ ხელი?“.

მისივე თქმით, მას შემდეგ, რაც არჩევნების შედეგები დაიდო, ყველამ დაინახა, რა მხარდაჭერა ჰქონდა გიორგი გახარიას.

„ლაიქებით“ ითვლიდნენ მის რეიტინგებს, ხიბლში იყვნენ ჩავარდნილები, თითქოს განუზომელი მხარდაჭერა ჰქონდა. რეალობისგან მოწყვეტილი განცდა ჰქონდათ“,- განაცხადა ალუდა ღუდუშაურმა.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა