ირაკლი ქადაგიშვილი ოპოზიციაზე - თუ რა ქმედებებს ატარებს ჩვენი მთავრობა, ყოველთვის ეროვნული ინტერესებიდან გამომდინარეობს - ღია კარის მტვრევას და წყლის ნაყვას უნდა შეეშვან

ღია კარის მტვრევას და წყლის ნაყვას უნდა შეეშვან, უფრო საგნობრივი და კონკრეტული საკითხია განცხადების და რეზოლუციის მიღება - ინტერფრაქციული შედეგი უნდა იყოს, სადაც ნატო-ს საკითხიც უნდა იყოს ასახული კიდევ ერთხელ, - ასე პასუხობს საპარლამენტო უმრავლესობის წევრი ირაკლი ქადაგიშვილი „პალიტრანიუსის“ გადაცემაში „360 გრადუსი“ ოპოზიციონერი კოლეგების კრიტიკას უკრაინაში განვითარებულ პოლიტიკურ მოვლენებთან დაკავშირებით სახელისუფლო პოზიციის შესახებ.

ირაკლი ქადაგიშვილის განცხადებით, ხელისუფლების ქმედებები საქართველოს ეროვნული ინტერესებიდან გამომდინარეობს.

„ვის შეიძლება ჭკუათმყოფელ ადამიანს, მით უმეტეს პარლამენტში მყოფ ადამიანს, ჰქონდეს განსხვავებული მოსაზრება იმაზე, რომ საქართველო იქნება თუ ნებისმიერი სახელმწიფო, უნდა ჰქონდეს თავისი არჩევანის უფლება, მათ შორის როგორ განისაზღვროს მისი უსაფრთხოება, ვისთან იყოს უსაფრთხოების კუთხით ალიანსში. როგორ შეიძლება არსებობდეს განსხვავებული მოსაზრება, რომ სხვისი ქვეყნის სუვერენიტეტის, ტერიტორიული მთლიანობის შელახვა დაუშვებელია და ა.შ..

ხშირ შემთხვევაში წყალს ვნაყავთ ხოლმე, ვანგრევთ ღია კარებს, რადგან ამით გვგონია, რომ იმ შიდა პოლიტიკურ დღის წესრიგს შევქმნით და წარმოვადგენთ „ქართულ ოცნებას“, რომ მოქმედებს მხოლოდ იმიტომ, რომ აგრესიას ხელი შეუწყოს უკრაინაში? ამ აბსურდამდე დადიან. ამ აბსურდს არ აქვს მოსახლეობაში შესაბამისი აღქმა და ვერც ექნება.

ის, თუ რა ქმედებებს ატარებს ჩვენი მთავრობა, გამომდინარეობს ყოველთვის ჩვენი ეროვნული ინტერესებიდან, ყოველთვის იმ პრინციპებიდან რომელზეც არის საერთაშორისო ურთიერთობები დამყარებული“, - განაცხადა ირაკლი ქადაგიშვილმა.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა