გუბაზ სანიკიძე - 10 წელია წვალობს ოპოზიცია სააკაშვილის ჩანაცვლებაზე, ჩაანაცვლონ მერე, ვინმე უშლის?! - მაკედონელები, ვაშინგტონები, აღმაშენებლები არიან და მიშა უშლის ყველას თურმე ხელს

ვისიც ეშინია ბიძინას, ის დაჭერილია, ვისიც ეშინია ვლადიმერ პუტინს, ის დაჭერილი ჰყავთ. აგერ ნახავთ, სააკაშვილი გაუშვებს ამ ხელისუფლებას პერსონალურად ,- ამის შესახებ ოპოზიციონერმა დეპუტატმა გუბაზ სანიკიძემ „პალიტრანიუსის“ გადაცემა „ნიუსრუმში“ განაცხადა.

ამასთანავე, როგორც მან აღნიშნა, ქვეყანაში არსებული სახით ოპოზიცია ვერ იქნება, რადგან მოსახლეობის მოთხოვნა არა მრავალფეროვანი ოპოზიცია, არამედ ის მტკიცე ერთიანობაა, რომელსაც ის ნდობას გამოუცხადებს.

„ამ სახით ოპოზიცია ვეღარ დარჩება. ოპოზიციამ უნდა შეძლოს შეუძლებელი ახლა და შეუძლებელი რა არის იცით?! თავიანთ პარტიულ ამბებს დაანებონ თავი და დიდ მოძრაობაზე გადავერთოთ. ამას ვგულისხმობ - დიდი სახალხო მოძრაობა, სადაც იქნება ყველა ერთად და საკმაოდ იერარქირებული იქნება, მას უნდა ჰყავდეს საბჭოც. იმის ლაპარაკი, რომ მრავალფეროვანია ოპოზიცია, არ უნდა ხალხს ეს მრავალფეროვნება, ხალხის შეკვეთა არის ძლიერი მონოლითი, რომელსაც ენდობა ხალხი.

პრობლემა რა არის დღეს, ხალხი არ ენდობა ოპოზიციას და ოპოზიცია არ ენდობა ხალხს. 10 წელია წვალობს ოპოზიცია სააკაშვილის ჩანაცვლებაზე, ჩაანაცვლონ მერე, ვინმე რამეს უშლის?! გამოჩნდნენ ახლა სააკაშვილის გულშემატკივრები, რატომ ჩამოვიდაო, მაშინ უნდა ჩამოსულიყო, მე მის ადგილას ასე ჩამოვიდოდიო! ვინ გეკითხება საერთოდ? როდის მერე გახდით მისი გულშემატკივრები, ზოგი იძახის პარაშუტით გადმოვხტებოდიო, ზოგი იძახის ბორბლებიანი მფრინავი გემით ჩამოვიდოდიო. დაანებეთ ამას თავი, თუ მაგრები ხართ გააკეთეთ! ვისიც ეშინია ბიძინას, ის დაჭერილია, ვისიც ეშინია ვლადიმერ პუტინს, ის დაჭერილი ჰყავთ, ბიძინა არის „კლუჩნიკი“. ხელს გვიშლის სააკაშვილი სიდიადეშიო, ალექსანდრე მაკედონელები არიან, ჯორჯ ვაშინგტონები, დავით აღმაშენებლები და ეს მიშა უშლის ყველას ხელს თურმე.

აგერ ნახავთ, სააკაშვილი გაუშვებს ამ ხელისუფლებას პერსონალურად. მე მარჩიელი არ ვარ, რა ფორმით და როგორ. ძვირფასო მეგობრებო და ძვირფასო ბიძინა, ნაზარბაევზე მაგარი კაცი მაინც არ ხარ, მისი დემონტაჟი მოხდა ყაზახეთში. ვერ გაუძლებ და ნაზარბაევს სააკაშვილის მსგავსი მოწინააღმდეგეც არ ჰყოლია, იქ ოპოზიცია განადგურებული იყო საერთოდ. რამდენ ხანს იჯდება მე ვერ გეტყვით, მაგრამ სააკაშვილი ციხიდან რომ გამოვა, ამ ხელისუფლებას გაუშვებს, შეიძლება ციხიდანაც გაუშვას,“- განაცხადა გუბაზ სანიკიძემ.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა