გიგა ბოკერია - მძიმე პოლიტიკური და საზოგადოებრივი კლიმატი, რომელიც ივანიშვილის რეჟიმმა შექმნა, ყველა სფეროზე ახდენს მძიმე გავლენას, მათ შორის სამართალდამცავ ორგანოებზეც
ივანიშვილის რეჟიმის მიერ შექმნილ მძიმე კლიმატში თუ ადამიანი მიდრეკილია ძალადობისკენ, მაშინ შეიძლება მივიღოთ მძიმე შედეგი , - ამის შესახებ „ევროპული საქართველოს“ თავმჯდომარემ, გიგა ბოკერიამ ჟურნალისტებთან საუბრისას განაცხადა.
მისი თქმით, ქვეყანაში არსებული პოლიტიკური და საზოგადოებრივი კლიმატი, რომელიც, მისი თქმით, ძალადობას ახალისებს, ყველაზე ახდენს გავლენას.
„მიუხედავად იმისა, რომ მე ამ პოლიციელების საქციელს არ განვაზოგადებ მთლიანად საქართველოს პოლიციაზე, ფაქტია, რომ ქვეყანაში არსებული პოლიტიკური და საზოგადოებრივი კლიმატი, რომელიც ივანიშვილმა და მისმა რეჟიმმა ძალადობის წახალისებით, დაუსჯელობით, მოძალადეების პირდაპირ კულტივაციით ქვეყნის შიგნით შექმნა, გავლენას ახდენს ყველაზე. ბუნებრივია, ამას გავლენა აქვს სამართალდამცავი ორგანოების წარმომადგენლებზეც. თუ ადამიანი მიდრეკილია ძალადობისკენ, მაშინ შეიძლება მივიღოთ ასეთი მძიმე შედეგი” , - განაცხადა ბოკერიამ.
