"სილქნეტის" ქსელში, 2022 წლის 28 თებერვლიდან, ცალკეულ სერვისზე იცვლება პირობები, ინტერნეტ მოცულობები და ტარიფები.

ამ პერიოდიდან მობილური ქსელის მომხმარებლებისთვის სტანდარტულ ინტერნეტ პაკეტებზე ამოქმედდება გაზრდილი მოცულობები შეცვლილი ტარიფებით. ასევე იცვლება „სილქ კოსმო”-ს ინტერნეტ პაკეტების ტარიფები და მოცულობები.

უქმდება „ნულომანი“, „გლობუსი“, „12 თეთრიანი ტარიფი“, „ტარიფი 1-10“ და „ტარიფი 1-12“ და 28 თებერვლიდან მომხმარებლებისთვის ხელმისაწვდომი გახდება ახალი, უნივერსალური სატარიფო გეგმა „სილქ სტარტი“, რომელიც ჩაანაცვლებს მოქმედ შეთავაზებებს. თვეში 1 ლარად აბონენტები, „სილქ სტარტ“-ის ფარგლებში, ისარგებლებენ სპეციალური ტარიფებით, როგორც სასაუბრო წუთებზე, სმს-ებზე, ისე მობილურ ინტერნეტზე.

დამატებით სერვისებზე: „ნომრის დაფარვა“, „დაფარული ნომრის ამომცნობი“, „ფასდაკლება საერთაშორისო ზარებზე“ და „ჯეო მრიცხველი“-ს შეიცვლება ტარიფები. ახალი პირობით გაგრძელდება აქციები 1 და 5 დღიან ულიმიტო ინტერნეტის პაკეტებზე.

ფიქსირებული ქსელის მომხმარებლისთვის იცვლება მომსახურების შეზღუდვის პირობა დავალიანების გამო გათიშულ სერვისზე და ასევე, 28 თებერვლიდან, შეცლილი ტარიფით ისარგებლებენ აბონენტები დამატებითი ტელევიზიის მომსახურებაზე.

თითოეული ცვლილებების შესახებ დეტალური ინფორმაცია განთავსებულია ვებ გვერდზე: https://silk.ge/

კომპანია გააგრძელებს „სილქფესტის“ ყველაზე პოპულარულ აქციებს და სხვადასხვა სეგმენტებზე მორგებულ შეთავაზებებს.

(R)