პატრულის მიერ ნაცემი არასრულწლოვანი სახელმწიფო ინსპექტორის სამსახურში გამოკითხვაზე იმყოფება

პატრულის მიერ ნაცემი არასრულწლოვანი სახელმწიფო ინსპექტორის სამსახურში გამოკითხვაზე მივიდა. გამოკითხვას ესწრება არასრულწლოვანის დედა, უფლებადამცველი და ფსიქოლოგი.

ადვოკატ ჯანო ჭკადუას ინფორმაციით, დღეს არასრულწლოვნის დაზარალებულად ცნობა უნდა მოხდეს.

„დღეს სახელმწიფო ინსპექტორის სამსახურში მოვედით იმისათვის, რომ მოხდეს არასრულწლოვანის დაზარალებულად ცნობა. ამის შემდეგ შესაძლებელია საგამოძიებო ორგანოს ჰქონდეს დამატებითი კითხვები, რომელზეც არასრულწლოვანი მზად არის, რომ ითანამშრომლოს გამოძიებასთან. ასევე დღეს უნდა მოხდეს დაკავებული პოლიციელებისთვის ბრალის წარდგენა და სასამართლომ უნდა იმსჯელოს მათთვის აღკვეთის ღონისძიების შეფარდებაზე”, - აღნიშნა ჯანო ჭკადუამ.

მისივე თქმით, არასრულწლოვნისთვის მიყენებული ზიანის შესაფასებლად ექსპერტიზა ჩატარდა, რომლის პასუხიც უახლოეს დღეებში გახდება ცნობილი.

„არასრულწლოვნისთვის მიყენებულ ზიანთან დაკავშირებით ჩატარდა ექსპერტიზა და უახლოეს დღეებში ველოდებით ექსპერტიზის დასკვნას, რომელშიც დეტალურად იქნება აღბეჭდილი რა სახის ზიანი მიადგა არასრულწლოვანს. ჩემი შეფასებით, ორივე პოლიციელი სასამართლომ უნდა დატოვოს საპატიმროში, ამ კუთხით ოჯახი მზად არის ითანამშრომლოს საგამოძიებო ორგანოსთან”, - აღნიშნა ჯანო ჭკადუამ.

ცნობისთვის, მედიასაშუალებებით გავრცელებულ ვიდეოჩანაწერზე აღბეჭდილი ძალადობის ფაქტზე შინაგან საქმეთა სამინისტროს ორი თანამშრომელი ნუკრი ბაქრაძე და კახა ბაკაშვილი დააკავეს. ნუკრი ბაქრაძეს სისხლის სამართლის კოდექსის 1443 მუხლის მეორე ნაწილის ,,ა“, ,,ბ“, და ,,ზ“ ქვეპუნქტებით გათვალისწინებული დანაშაულის ჩადენას ედავებიან, რაც გულისხმობს დამამცირებელ და არაადამიანურ მოპყრობას ჩადენილს მოხელის მიერ, სამსახურებრივი მდგომარეობის გამოყენებით, დამნაშავისათვის წინასწარი შეცნობით არასრულწლოვნისა და სხვაგვარად თავისუფლებაშეზღუდული პირის მიმართ; ხოლო, ფაქტის შემსწრე საპატრულო პოლიციის დეპარტამენტის მეორე თანამშრომელს - კახა ბაკაშვილს სისხლის სამართლის კოდექსის 332-ე მუხლის პირველი ნაწილით გათვალისწინებული დანაშაულის ჩადენას ედავებიან, რაც გულისხმობს სამსახურებრივი უფლებამოსილების ბოროტად გამოყენებას.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა