გრიგოლ გეგელია - მაშინ, როცა საქართველო უნდა იყოს ყველაზე სოლიდარული უკრაინის მხარდაჭერის პროცესში, სამწუხაროდ, ჩვენ საბრძოლველი გვიხდება სწორი ტიპის რეზოლუციის ტექსტის მიღება

მაშინ, როდესაც საქართველო უნდა იყოს ყველაზე სოლიდარული სახელმწიფო უკრაინის მხარდაჭერის პროცესში, სამწუხაროდ, ჩვენ საბრძოლველი გვიხდება სწორი ტიპის რეზოლუციის ტექსტის მიღება, - ამის შესახებ პარტიის „ლელო საქართველოსთვის" წევრმა, გრიგოლ გეგელიამ განაცხადა.

მისი თქმით, უკრაინის მხარდამჭერ პეტიციას პარტია "ლელო საქართველოსთვის" ხელს მკაფიო პოზიციის ხაზგასასმელად აწერს.

„ჩვენ ხელს ვაწერთ ამ თანაინიცირებულ დოკუმენტს იმის ხაზგასასმელად, რომ ჩვენ, ქართველ საზოგადოებას გაგვაჩნია ბევრად უფრო მკაფიო მორალური და პოლიტიკური პოზიცია უკრაინის კრიზისთან დაკავშირებით, ვიდრე "ქართულ ოცნებას".

„ქართული ოცნების" საქციელი არის სამარცხვინო მაშინ, როდესაც უკრაინის წინაშე დგას ეგზისტენციური საფრთხე. მაშინ, როდესაც საქართველო უნდა იყოს ყველაზე სოლიდარული სახელმწიფო უკრაინის მხარდაჭერის პროცესში, სამწუხაროდ, ჩვენ საბრძოლველი გვიხდება სწორი ტიპის რეზოლუციის ტექსტის მიღება. შესაბამისად, ჩვენ მრავალპარტიული განაცხადის სახით დავაფიქსირეთ ის, რომ ჩვენ, ქართულ საზოგადოებას გაგვაჩნია მკაფიო პოზიცია და გვინდა "ქართულ ოცნებას" მოვუწოდოთ, საპარლამენტო ფორმატში მიღებული იქნეს ადეკვატური რეზოლუცია“, - განაცხადა გრიგოლ გეგელიამ.

ამ წუთებში, პარლამენტთან, საქართველოს მოქალაქეები, პოლიტიკური პარტიებისა და არასამთავრობო ორგანიზაციების წარმომადგენლებთან ერთად, უკრაინის მხარდამჭერ პეტიციას ხელს აწერენ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს