საზოგადოების მოთხოვნები უფრო ჩამოყალიბებულია, ვიდრე ეს მოდის უცხოელებიდან ზოგადი ფორმით. ეს იქნება საზოგადოების დაკვეთა თავისი პოლიტიკური ელიტისთვის და ვნახოთ, რა რეაქციას მისცემს პოლიტიკური ელიტა, - ამის შესახებ საქართველოს პრეზიდენტმა, სალომე ზურაბიშვილმა ეროვნულ თანხმობაზე საუბრისას, ჟურნალისტებთან შეხვედრაზე განაცხადა.

მისი თქმით, მიმდინარე პროცესი თანდათან უფრო მეტად ჩამოყალიბდება და დაიხვეწება, შემდეგ კი შესაძლოა, ქარტიის სახე მიეცეს.

პრეზიდენტის შეფასებით, საზოგადოების მიერ წამოყენებული საკითხები, პოლიტიკურ პარტიებს აიძულებს შეასრულოს მოსახლეობის ერთგვარი დაკვეთა.

„არანაირ მოკლევადიან შედეგს, გარდა იმისა, რაც ვთქვით, - თვით საუბარი, რომელიც დაიწყება საზოგადოების სხვადასხვა დონეზე, ეს არის უკვე თავის თავში შედეგი. პირველი ეტაპის შედეგი უნდა იყოს საზოგადოებისგან, რომ დადოს საზოგადოებამ ერთი მხრივ, პრინციპები: ეს შეიძლება იყოს ქარტია, ეროვნული კრება, რომელიც შეიკრიბება, - ამას გზადაგზა ჩამოვაყალიბებთ და დაიხვეწება. ქარტია შეიძლება იყოს პრინციპები, რომელსაც იზიარებს საზოგადოება, რომელიც შემდეგ აიძულებს პოლიტიკურ პარტიებს, რომ გაითავისოს ეს პრინციპები.

ამ შემთხვევაში ჩემი აზრი არის მეორადი, მაგრამ მგონია, იქნება რეკომენდაციები, რომელიც მივა იქამდე, - დამოუკიდებელ სასამართლომდე. საზოგადოების მოთხოვნები უფრო ჩამოყალიბებულია, ვიდრე ეს მოდის უცხოელებიდან ზოგადი ფორმით. ეს იქნება საზოგადოების დაკვეთა თავისი პოლიტიკური ელიტისთვის და ვნახოთ, რა რეაქციას მისცემს პოლიტიკური ელიტა“, - განაცხადა პრეზიდენტმა.