პრეზიდენტის განცხადებით, მისი სიტყვა მტკიცედ იქნა გამოხატული და ვეტო არაფერს ცვლის

საქართველოს პრეზიდენტის, სალომე ზურაბიშვილის განცხადებით, მან ნათლად გამოხატა პოზიცია სასამართლო სისტემაში არსებულ ცვლილებებთან და იუსტიციის საბჭოში მიმდინარე პროცესებთან დაკავშირებით.

„პალიტრანიუსის“ ჟურნალისტის, მერაბ მეტრეველის კითხვას იმის შესახებ, რომ რადგან ზურაბიშვილმა სასამართლოს სისტემაში განხორციელებულ ცვლილებებს ვეტო არ დაადო, ხომ არ იქნებოდა ქვეყნისთვის უკეთესი, რომ პრეზიდენტის ხელთ არსებული ბერკეტები მას ამ კუთხით უფრო რაციონალურად გამოეყენებინა, პრეზიდენტმა განაცხადა, რომ მისი სიტყვა მტკიცედ იქნა გამოხატული და ვეტო არაფერს ცვლის.

ზურაბიშვილის შეფასებით, ეს არის ფსევდოიურიდიული საკითხი.

ჟურნალისტის განცხადებას იმის შესახებ, რომ ზურაბიშვილმა იუსტიციის უმაღლეს საბჭოში ე.წ. „კლანის“ წარმომადგენელს დაუჭირა მხარი, სალომე ზურაბიშვილმა განაცხადა, რომ მან სრულიად დამოუკიდებელი კანდიდატი აირჩია.

ზურაბიშვილის თქმით, ეს არის უაპელაციო კრიტიკა.

„ჩვენ თუ გვსურს, რომ დავიწყოთ საუბარი, უნდა დავიწყოთ კითხვებით და პასუხის მოსმენით და არა უაპელაციო კრიტიკით, რომელიც არაფერთან მიდის გარდა იმისა, რომ ყველას აქვს თავისი პოზიცია. პირველ რიგში, ამ პროცესს ხელს შეუშლის უნდობლობა და სკეპტიციზმი. მეორე რიგში, ხელს შეუშლის პოლიტიკური პარტიების პოზიციონირება. ისინი თავის პოზიციებს გაიმეორებენ. შეიძლება ვახსენოთ სახელმწიფო ინსპექტორის კანონმდებლობა - ეს ყველაფერი არის ხელის შემშლელი ეროვნული თანხმობის მიღწევაში. ვიცი, რომ მე მექნება ძალიან ვიწრო ხიდზე გასასვლელი, რათა ჩემი პოზიციონირება არ გახდეს ვინმეს მძევალი ამ სიტუაციაში. ჩემთვის მნიშვნელოვანია ამ პროცესის არდაზიანება და ამას ვინ როგორ გაიგებს, როგორ გამაკრიტიკებს, სულერთია, რადგან ამას მიჩვეული ვარ. ჩემივე თავის წინაშე მექნება ძალიან დიდი მოთხოვნა, რომ გავიარო ამ ბეწვის ხიდზე.

ჩვენი საბჭოთა მენტალობის ნარჩენია, საზოგადოების არაღიარება, როგორც ცალკეული ძალის, რომელსაც შეუძლია თავისი სიტყვა თქვას და ძალა გამოაჩინოს. სამწუხაროდ, ამ რეალობაში ვცხოვრობთ, სადაც შეიძლება, რომ საზოგადოების მოცემული მანდატები არაფრად ჩათვალონ პოლიტიკურმა პარტიებმა - ეს არის ჩვენი პოსტსაბჭოთა სივრცის უნიკალური ფორმა, სხვაგან ეს არ მინახავს“, - განაცხადა სალომე ზურაბიშვილმა.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა