სალომე ზურაბიშვილი - ეროვნული თანხმობის პროცესში ვადა არ უნდა იყოს უსასრულო - ჩვენ ხასიათში არ გვაქვს ეს მოთმინება

ეროვნული თანხმობის პროცესში ვადა არ უნდა იყოს უსასრულო - ჩვენ ხასიათში არ გვაქვს ეს მოთმინება. ომშიც ჩქარა გამარჯვება გვიყვარს და არაგრძელვადიანი ომები, - ამის შესახებ საქართველოს პრეზიდენტმა, სალომე ზურაბიშვილმა ჟურნალისტის კითხვის საპასუხოდ განაცხადა, თუ რა ვადაში ხედავს ეროვნული თანხმობის პროცესის დასრულებას.

როგორც პრეზიდენტი განმარტავს, ეროვნული თანხმობა მისი პასუხისმგებლობა. ამასთან დასძენს, რომ გარანტიები არაფერზე არსებობს, ყველაფერი რისკიანია, მით უმეტეს, ამ მდგომარეობასა და პოლიტიკურ პირობებში.

„ნამდვილად ჩემია პასუხისმგებლობა. არ დავიწყებ შემდეგ საუბარს, იმის ბრალია და ამის ბრალია, არც პოლიტიკურ პარტიებზე გადავიტან. ჩემი აზრით, ეს მცდელობა ქვეყნისთვის საჭიროა. მე ამის მეტი დრო არ მექნება, სწორი მომენტია. დამოუკიდებლობის 30 წელს ვზეიმობთ და ეს ის პერიოდია, როდესაც უნდა გავიხედოთ უკან, რაღაცაზე შევთანხმდეთ და შევწყნარდეთ. შეიძლება, ეს სიტყვაც სწორი იყოს.

გარანტიები არაფერზე არსებობს, ყველაფერი რისკიანია, მით უმეტეს, ამ მდგომარეობასა და პოლიტიკურ პირობებში. ვადა არ უნდა იყოს უსასრულო. მგონი, სხვა ქვეყნებში ეს პროცესი გაგრძელდა 2-დან 3 წლამდე, ზოგან მეტი. ჩვენ ხასიათში არ გვაქვს ეს მოთმინება. ომშიც ჩქარა გამარჯვება გვიყვარს და არაგრძელვადიანი ომები. არ ჩათვალოთ, რომ ბეტონში ჩასმული გეგმაა.

ვფიქრობ, 4-5 თვე საზოგადოებრივი საუბრებისთვის მაქსიმალურად გაიშალოს, მაქსიმალურად მივიდეთ დასკვნამდე, იქნება ქარტია, თუ სხვა ფორმა.

ალბათ პროცესი მოითხოვს, რომ ზაფხულის განმავლობაში კონკრეტულ ექსპერტთა ჯგუფები შეიკრიბონ რაღაც მიმართულებით, რომ რეკომენდაციები ჩამოაყალიბონ. იმედი მაქვს, რომ შედეგი გასაგები იქნება და წარედგინება პარლამენტს საშემოდგომო სესიაზე. ეს იქნებოდა იდეალური გეგმა“,- აღნიშნავს პრეზიდენტი.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა