ლევან ბეჟაშვილი - ცენტრალური საკითხია სააკაშვილის წამების ფაქტების დადგენა,  საერთაშორისო სამედიცინო ექსპერტების ჩართვა და თუ საჭიროა, მისი საზღვარგარეთის კლინიკაში გადაყვანა

ცენტრალური საკითხი არის მიხეილ სააკაშვილის არაადამიანური და წამების ფაქტების დადგენის საკითხი, ასევე მისი ჯანმრთელობის მდგომარეობასთან დაკავშირებით ყველა შესაძლო ღონისძიების მიმართვა, მათ შორის, საერთაშორისო სამედიცინო ექსპერტების ჩართვა იმისთვის, რომ მოხდეს მისი ჯანმრთელობის მდგომარეობის შესწავლა და თუ საჭიროა, მისი გადაყვანა საზღვარგარეთის კლინიკაში, - ამის შესახებ "ნაციონალური მოძრაობის" წევრმა ლევან ბეჟაშვილმა ჟურნალისტებს ფრაქციის სხდომის დასრულების შემდეგ განუცხადა.

როგორც ბეჟაშვილმა აღნიშნა, ორშაბათს პარტია გაჟღერებს გეგმას, მათ შორის, საპარლამენტო მუშაობასთან დაკავშირებით რა ტაქტიკა ექნება პარტიას.

"ფრაქციის სხდომაზე, რომელშიც პარტიის სამდივნოც მონაწილეობდა, მივიღეთ გადაწყვეტილება, რომ ჩვენ გვჭირდება ყველა მიმართულებით ფართო სპექტრით გააქტიურება. ამიტომ ჩვენ ორშაბათს გავაჟღერებთ პოლიტიკური საკითხების იმ საერთო სტრატეგიას, რომელიც აუცილებელია პარტიამ, ფრაქციამ მუშაობა დაიწყოს. პირველი ცენტრალური საკითხი არის მიხეილ სააკაშვილის არაადამიანური, წამების ფაქტების დადგენის საკითხი, ასევე მისი ჯანმრთელობის მდგომარეობასთან დაკავშირებით ყველა შესაძლო ღონისძიების მიმართვა, მათ შორის, საერთაშორისო სამედიცინო ექსპერტების ჩართვა იმისთვის, რომ მოხდეს მისი ჯანმრთელობის მდგომარეობის შესწავლა და თუ საჭიროა, მისი გადაყვანა საზღვარგარეთის კლინიკაში იმისთვის, რომ ნორმალური რეაბილიტაციის კურსი ჩაუტარდეს. ასევე მნიშვნელოვანია, ვადამდელი არჩევნების ჩატარების საკითხი და ამ მიმართულებით გასათვალისწინებელია საკონსტიტუციო ცვლილებების საკითხი, ასევე აქციების დაწყების საკითხი. ამიტომ ორშაბათს ჩვენ წარმოვადგენთ ერთიან გეგმას, მათ შორის საპარლამენტო მუშაობასთან დაკავშირებით რა ტაქტიკა გვექნება. ეს საკითხი აუცილებლად იქნება გათვალისწინებული სტრატეგიულ გეგმაში",- განაცხადა ბეჟაშვილმა.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა