კანადა უკრაინის საელჩოდან თანამშრომლების ნაწილს დროებით გაიყვანს, - მედიის ინფორმაციით, ამის შესახებ კანადის საგარეო საქმეთა სამინისტრომ განაცხადა.

„ვაგრძელებთ სიტუაციის ყურადღებით დაკვირვებას, ჩვენს უმთავრეს პრიორიტეტად კანადელების უსაფრთხოება და დაცულობა რჩება. ჩვენი ოფიციალური პირები მზად არიან უზრუნველყონ კანადის მოქალაქეებისთვის საჭირო საკონსულო დახმარების გაწევა“, - ნათქვამია სამინისტროს განცხადებაში.

უწყების განმარტებით, კანადის საელჩო კიევში ღია რჩება.