ჩვენი რეზოლუციის პროექტი შეადარეთ ბუნდოვან სადღეგრძელოს. არ მინდა ვიფიქრო, რომ არ იცით სადღეგრძელო რა არის, ვინაიდან ეს ტექსტი ვერაფრით დაემსგავსება სადღეგრძელოს, - ასე უპასუხა უკრაინის მხარდამჭერი რეზოლუციის პროექტის ერთ-ერთმა ავტორმა, უმრავლესობის დეპუტატმა გიორგი ხელაშვილმა გიორგი გახარიას პარტიის "საქართველოსთვის" წევრის, მიხეილ დაუშვილის განცხადებას, რომ მმართველი გუნდის რეზოლუცია „ბუნდოვანი სადღეგრძელოა მშვიდობის შესახებ“.

ხელაშვილის თქმით, რეზოლუციის ტექსტი არის „პოზიციის მკაფიო და ლოგიკური წარმოდგენა“.

გარდა ამისა, ხელაშვილმა უპასუხა მიხეილ დაუშვილის კითხვას - არის თუ არა რუსეთი ესკალაციის წყარო.

„რუსეთი არის უკრაინის წინააღმდეგ მიმართული სამხედრო ქმედებების ესკალაციის წყარო“,- განაცხადა გიორგი ხელაშვილმა.