ფრაქციაში ძალიან ნაყოფიერად ვმუშაობთ მე და სალომე, როგორც ფრაქციის თავმჯდომარის მოადგილე ძალიან ეფექტურად ახორციელებს თავის საქმიანობას და ახლა მას უფრო მეტი პასუხისმგებლობა დაეკისრა, როგორც პარტიის პოლიტიკურ მდივანს, - ასე აფასებს სალომე სამადაშვილის „ლელოს“ პოლიტიკურ მდივნად დანიშვნის საკითხს პოლიტიკური პარტია „ლელოს“ ერთ-ერთი ლიდერი ბადრი ჯაფარიძე დღეს გამართულ ბრიფინგზე.
როგორც ჯაფარიძე განმარტავს, ეს ნაბიჯი სამადაშვილმა „ლელოს“ უკრაინაში ვიზიტამდე გადადგა და იმედოვნებს, რომ ეს ვიზიტი წარმატებული იქნება.
„ჩვენ იმედი გვაქვს, რომ ეს ვიზიტი იქნება ძალიან წარმატებული და ჩვენს უახლოეს პარტნიორებთან ჩვენ შევქმნით ისეთი მჭიდრო ურთიერთობის და თანამშრომლობის ფორმატს, რომელიც მოგვცემს შესაძლებლობას, რომ ერთად შევებრძოლოთ იმ გამოწვევებს, რომელსაც ქმნის ამ რეგიონში მუდმივად, ჩვენი ჩრდილოელი მეზობელი, რუსეთის ფედერაცია“, - განაცხადა ჯაფარიძემ.