„ლელოს“ დელეგაციის წევრებმა უკრაინის რადაში შეხვედრები გამართეს

კიევში ოფიციალური ვიზიტით მყოფმა „ლელოს“ დელეგაციის წევრებმა დღეს რადაში შეხვედრები გამართეს.

„ლელოს“ პრესსამსახურის ინფორმაციით, პროტოკოლით გათვალისწინებული ოფიციალური ნაწილის დაწყებამდე, „ლელოს“ ლიდერებმა სიმბოლურად უმაღლეს საკანონმდებლო ორგანოში საქართველოს დროშა გაშალეს.

როგორც „ლელოს“ დელეგაციის წევრები აღნიშნავენ, ამით მათ სამართლიანობა აღადგინეს. როგორც „ლელოს“ ლიდერი, გრიგოლ გეგელია განმარტავს, ქართველების ხმა ახლა კიევში მკაფიოდ ისმის.

„ყველა ქართველის სახელით ხელისუფლების სამარცხვინო ქცევა გამოვასწორეთ.

ჩვენ რადაში საქართველოს დროშა აღვმართეთ. მე ძალიან ბედნიერი ვარ, რომ იმ სამარცხვინო და ტრაგიკული პროცესების შემდეგ, რომელიც ჩვენ გავიარეთ ქართულ პოლიტიკაში, დღეს რადაში პირველად გაიშალა ქართული დროშა, იქ სადაც მისი ადგილია.

ჩვენ, სამწუხაროდ, ვნახეთ, რომ როდესაც რამდენიმე დღის წინ, რადას დეპუტატებმა გაშალეს სხვადასხვა მხარდამჭერი ქვეყნის დროშა, იქ არ იყო ჩვენი ქვეყნის სიმბოლიკა. ჩვენ გავშალეთ ქართული დროშა იქ, სადაც მისი ადგილია და სადაც უნდა ყოფილიყო ჩვენი მეგობრების გვერდით. ქართველების ხმა ახლა კიევში მკაფიოდ ისმის", - აცხადებს გრიგოლ გეგელია.

"ლელოს" დელეგაცია უკრაინაში გუშინ საღამოს ჩავიდა. ვიზიტის ფარგლებში მამუკა ხაზარაძემ, სალომე სამადაშვილმა და გრიგოლ გეგელიამ უკრაინის საკანონმდებლო ორგანოში ოფიციალური შეხვედრები გამართეს.

ვიზიტის ფარგლებში "ლელოს" ლიდერები ასევე გავლენიანი არასამთავრობო ორგანიზაციების წარმომადგენლებს და ქართული დიასპორის წევრებს შეხვდებიან.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა