საქართველოს მესამე პრეზიდენტის, მიხეილ სააკაშვილის ადვოკატებმა მოსამართლეს ყოფილი პრეზიდენტის დარბაზში, ადვოკატების გვერდით დაჯდომის ნებართვის შუამდგომლობით მიმართეს.

როგორც ადვოკატმა დიმიტრი საძაგლიშვილმა განმარტა, ის დარწმუნებულია, რომ უსაფრთხოების ზომები დაცულია, რის გამოც, მისი დარბაზში გადმონაცვლების პრობლემა არ იქნებოდა და ამასთან, სააკაშვილს მინის ბარიერი არ ექნებოდა.

მოსამართლე ნინო ჩახნაშვილის განმარტებით, ამას სასამართლო ვერ გადაწყვეტდა, პენიტენციური სამსახურის წარმომადგენლებმა კი, აღნიშნულის ნება სააკაშვილს არ მისცეს.

„ივანიშვილს უყვარდა ხალხთან ლაპარაკი შუშის იქით და მე ვეშლები საკუთარ თავში. დაანებეთ თავი, მონები არიან ჩვეულებრივ“, - განაცხადა სააკაშვილმა პროცესზე მოსამართლის პასუხის მოსმენის შემდეგ.

აღნიშნულთან დაკავშირებით მოსამართლემ სააკაშვილს სასამართლოს უპატივცემლობის გამო შენიშვნა მისცა.