პოლონეთის პრეზიდენტმა მკაფიო გზავნილი ჩამოუტანა თავისუფალი სამყაროს მხრიდან საქართველოს ხელისუფლებას, რომ ნელ-თბილი პოზიციის დაკავება არ გამოვა და საქართველომ როგორც ვერბალურად, ასევე კონკრეტული ქმედებებით უნდა დაადასტუროს ერთგულება იმ დემოკრატიული ღირებულებების მიმართ, რომელიც თავისუფალ სამყაროს გააჩნია, - ამის შესახებ ,,ნაციონალური მოძრაობის” წევრმა ნუგზარ წიკლაურმა პოლონეთის პრეზიდენტის ანდჟეი დუდას ვიზიტზე საუბრისას განაცხადა.
მისივე შეფასებით, საქართველო ან თავისუფალი სამყაროს მხარეს, ან დამპყრობელი რუსეთის მხარეს უნდა იყოს რა მხრივაც ქართველი ხალხისა და საქართველოს მთავრობის პოზიცია ერთმანეთისაგან დრამატულად განსხვავდება.
,,საქართველოს წინაშე არის არჩევანი, რომელიც არ ტოვებს შესაძლებლობას, რომ ნელ-თბილი პოზიცია დავიკავოთ, ან უნდა ვიყოთ თავისუფალი სამყაროს მხარეს, ან ჩვენი დამპყრობელი რუსეთის მხარეს. პოლონეთის პრეზიდენტმა გუშინდელი ვიზიტით მკაფიო გზავნილი ჩამოუტანა თავისუფალი სამყაროს მხრიდან საქართველოს ხელისუფლებას, რომ ნელ-თბილი პოზიციის დაკავება არ გამოვა და საქართველომ როგორც ვერბალურად, ასევე კონკრეტული ქმედებებით უნდა დაადასტუროს ერთგულება იმ დემოკრატიული ღირებულებების მიმართ, რომელიც თავისუფალ სამყაროს გააჩნია. ვხედავთ, რომ ქართველი ხალხის და საქართველოს მთავრობის პოზიცია დრამატულად განსხვავდება ერთმანეთისაგან”, - აღნიშნა ნუგზარ წიკლაურმა.