სოზარ სუბარი - სააკაშვილს შეუძლია არზების წერა გააგრძელოს, მომავალი ხუთ-ნახევარი წლის განმავლობაში სხვა საქმე არ ექნება

სააკაშვილს შეუძლია არზების წერა გააგრძელოს. მომავალი ხუთ-ნახევარი წლის განმავლობაში სხვა საქმე არ ექნება, - ასე ეხმაურება დეპუტატი სოზარ სუბარი მიხეილ სააკაშვილის მიერ გაკეთებულ განცხადებას, რომ ბადრი ჯაფარიძის მანდატის შეწყვეტის საკითხი იმიტომ მიმდინარეობს, რომ საგამოძიებო კომისიას ხმები დააკლდეს.

როგორც სოზარ სუბარი განმარტავს, გადაწყვეტილებას პარლამენტი მიიღებს როცა შეიკრიბება. მისივე განცხადებით, აღნიშნული საკითხი არ იქნება პოლიტიკური ხასიათის, რადგან მსჯავრდებულის შემთხვევაში მანდატის შეჩერება არის გათვალისწინებული.

„სააკაშვილს შეუძლია არზების წერა გააგრძელოს, ეს მისი საქმე იქნება უახლოესი, მინიმუ ხუთ-ნახევარი წლის განმავლობაში, სხვა საქმე არ ექნება. რაც შეეხება, რა გადაწყვეტილებას მივიღებთ, ეს გამოჩნდება მაშინ, როდესაც პარლამენტი შეიკრიბება, თუმცა ნებისმიერი გადაწყვეტილება ვერ იქნება პოლიტიკასთან დაკავშირებული, იმიტომ რომ როცა კანონმდებლობა ამბობს, რომ ადამიანი არის მსჯავრდებული კონკრეტულ დანაშაულზე, მაშინ კანონი შესაბამისად ითვალისწინებს პროცედურის დაწყებას და პარლამენტის მანდატის შეწყვეტას. რა გადაწყვეტილებას მივიღებთ, გამოჩნდება შემდეგ კვირას. ოპოზიციაში საკმაოდ ბევრი ადამიანია იმისთვის, რომ შექმნან კომისია“, - განაცხადა სუბარმა.

ამასთან, სააკაშვილის „წამებისა და არაადამიანური მოპყრობის საგამოძიებო კომისიის შექმნასთან დაკავშირებით“ სუბარმა განმარტა, რომ აღნიშნული კომისიის შექმნას მმართველი პარტიისგან მხარდაჭერა არ ექნება.

„კომისიას ბუნებრივია, ჩვენი მხრიდან მხარდაჭერა არ ექნება, იმიტომ რომ ეს არის აბსოლუტურად თითიდან გამოწოვილი კომისია. არაფერი საფუძველი ამ კომისიის შექმნას არ აქვს. არსებობს სახელმწიფო ინსპექტორის სამსახური, რომელიც გააგრძელებს მუშაობას პირველი მარტიდან ახალ ამპლუაში, ისინი იძიებენ, არსებობს საგამოძიებო ორგანოები და თუ რამე დანაშაულს აქვს ადგილი, ისინი გამოიძიებენ, თუმცა მთელმა საქართველომ იცის რაც იქ ჩანს, სავარაუდო დანაშაული, რომელსაც სჩადის პატიმარი სააკაშვილი და არ ჩანს დანაშაული თანამდებობის პირების მხრიდან, მაგრამ თუკი ლაპარაკია იმაზე, რომ გამოქვეყნდეს სრული ჩანაწერი და გამოჩნდება ვინ არის დამნაშავე, მეც ვეთანხმები, რომ დიახ, უნდა გამოქვეყნდეს. მოვუწოდებ, სააკაშვილთან ერთად, ინსპექტორის აპარატს, რომ გამოაქვეყნონ სრული ჩანაწერი და ყველამ იცოდეს, სიმართლე რაც არის“, - განაცხადა სუბარმა.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა