დეპუტატ თაკო ჩარკვიანს მიხეილ სააკაშვილის სასამართლო პროცესი დაატოვებინეს. ის მანდატურმა გაიყვანა სხდომათა დარბაზიდან.

სხდომის დატოვებამდე თაკო ჩარკვიანმა განაცხადა, რომ სირცხვილია გაასამართლოს სამარცხვინო პროკურორმა სახელწიფოს აღმშენებელი და მოსამართლე ბადრი კოჭლამაზაშვილს მიმართა, რომ “ამაზე ნუ მოაწერს ხელს”.

“კორუფციონერი პროკურორი სამშობლოს მოღალატეა, აბა რა არის?! სირცხვილია სამარცხვინო პროკურორს ასამართებინოთ სახელმწიფო ინსტიტუციების აღმშენებელი. მე მიშას მოწინააღმდეგე ვიყავი 9 წელი, მაგრამ ახლა, რუსეთის კორუფციონერების ხელში ჩავარდა ქვეყანა”, - განაცხადა თაკო ჩარკვიანმა.

სხდომის დატოვებამდე მოსამართლემ ჩარკვიანს და ზოგადად, დარბაზში მყოფებს მიმართა. “თუ მიგაჩნიათ რომ ეს პროცესი სამარცხვინოა და ფარსია და საკუთარი ნებით ნუ ჩაერთვებით ამ “ სარცხვინო პროცესში”. დარჩით სახლში და უყურეთ ტელევიზორიდან. ის, რომ ისტორიული პროცესია ამის შეხსენება არ მინდა”, - განაცხადა მოსამართლემ.