სამარცხვინოა, რაც ახლა ხდება. ეს ყველაფერი თავიდან ბოლომდე არის სპექტაკლი და ყველამ ვიცით რაც ხდება, - ამის შესახებ ყოფილი პრეზიდენტის, მიხეილ სააკაშვილის დედამ, გიული ალასანიამ თბილისის საქალაქო სასამართლოდან გამოსვლის შემდეგ განაცხადა.

როგორც ალასანიამ აღნიშნა, დღევანდელი სხდომა ცალკე შესაფასებელი არ არის. მისი თქმით, უნდა შეფასდეს მთელი ეს პროცესი და ის მდგომარეობა, რომელიც ქვეყანაში არის.

„საქართველოში მცირე ნაწილმა მიიტაცა მთელი ქვეყანა. ამ ადამიანების მომხვეჭელობას და სიხარბეს არ აქვს საზღვარი. ესენი არასდროს გაჩერდებიან. სწორედ ეს მცირე ნაწილი ასამართლებს ადამიანს, ჩემ შვილს, რომლის მმართველობის დროსაც ბიუჯეტი და პენსიები გაიზარდა 10-ჯერ და აღარ ჩამოვთვლი ყველა იმ სიკეთეს, რომელიც იმ დროს მოხდა", - განაცხადა გიული ალასანიამ.