მაია ბითაძე - ლევან დავითაშვილი მაღალკვალიფიციური სპეციალისტი და პროფესიონალია - ეკონომიკის სამინისტრომ განვითარების ახალ ეტაპზე უნდა გადაიყვანოს ჩვენი ქვეყანა

„მივესალმები ცვლილებებს, რომლის ფარგლებში, ლევან დავითაშვილი ეკონომიკის მინისტრის პოსტს დაიკავებს - ის მაღალკვალიფიციური სპეციალისტი, უაღრესად პატიოსანი და შესანიშნავი პროფესიონალია, რომელმაც ბევრი შეძლო როგორც გარემოს დაცვის, ასევე, სოფლის მეურნეობის მიმართულებით. სწორედ ასეთი ძლიერი, გამოცდილი ხელი სჭირდება ეკონომიკისა და მდგრადი განვითარების სამინისტროს“,- ასე ეხმაურება საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარე სამთავრობო გუნდში განხორციელებულ ცვლილებებს.

მაია ბითაძის თქმით, ეკონომიკისა და მდგრადი განვითარების სამინისტრო ის უწყებაა, რომელმაც გამოწვევებისა და ასოცირების შეთანხმებით ნაკისრი ვალდებულებების შესრულების პარალელურად, ქვეყანა განვითარების ახალ ეტაპზე უნდა გადაიყვანოს. დეპუტატმა, კომიტეტის სახელით, გარემოს დაცვისა და სოფლის მეურნეობის ახალ მინისტრს მხარდაჭერა დაუდასტურა.

„წარმატებებს ვუსურვებბ გარემოს დაცვისა და სოფლის მეურნეობის ახალ მინისტრს, ოთარ შამუგიას. გარემოს დაცვისა და ბუნებრივი რესურსების კომიტეტის სახელით, გამოვხატავ სრულ მხარდაჭერას მისი კანდიდატურის მიმართ. ასევე, წარმატებებს ვუსურვებ ნათია თურნავას მის ახალ პოზიციაზე“,- განაცხადა მაია ბითაძემ.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს