თინა ხიდაშელი - ორი მინისტრია დარჩენილი, რომელიც შესაცვლელი ჰყავს - შესაძლებელია, შს და საგარეო საქმეთა მინისტრები, დარწმუნებული ვარ, ზალკალიანი ბევრ რამეზე ხელს არ მოაწერს, ბოლოს მოსკოვში რომ დაიწყებენ სიარულს, აღარ გაჰყვება

არ მახსენდება არავინ მთავრობაში, ვინც შეიძლება ოდესმე რაიმე გაბედოს და საკუთარი პოლიტიკური პოზიცია ჰქონდეს იმ უწყების მიერ გასატარებელი პოლიტიკის მიმართ, რომელსაც ხელმძღვანელობენ, - ამის შესახებ თავდაცვის ყოფილმა მინისტრმა, თინა ხიდაშელმა „პალიტრანიუსის“ გადაცემაში „360 გრადუსი“ მინისტრთა კაბინეტში ცვლილებებზე საუბრისას განაცხადა.

თინა ხიდაშელის თქმით, ირაკლი ღარიბაშვილის კაბინეტში კიდევ დარჩა ორი მინისტრი, რომელსაც სავარაუდოდ, გაათავისუფლებს და ესენი საგარეო და შს მინისტრები იქნებიან.

„ორად ორი მინისტრია დარჩენილი, რომელიც შესაცვლელი ჰყავს, დანარჩენი ყველა პოლიტიკური წარსულისა და პოლიტიკური მომავლის არ მქონე ადამიანები არიან. მე არ მგონია, რომ თეა წულუკიანს გაუშვებს, ის მისთვის საიმედო საყრდენია. შესაძლებელია, ვისაუბროთ შინაგან საქმეთა მინისტრზე და გარკვეულწილად საგარეო საქმეთა მინისტრზეც, რომელსაც ძალიან პატარა, მაგრამ მაინც ერთგვარად თვითმყოფადი, საკუთარი პოლიტიკური დღის წესრიგი აქვს და მისი ღირებულებები ჩვენთვის ყველასათვის ცნობილია და ბევრ რამეზე საბოლოო ჯამში დარწმუნებული ვარ, რომ ის ხელს არ მოაწერს. ბოლოში მოსკოვში რომ დაიწყებენ სიარულს იქ დათო [ზალკალიანი] აღარ გაჰყვება.

არ მახსენდება არავინ მთავრობაში, ვინც შეიძლება ოდესმე გაბედოს რაიმე. მე არ ვამბობ, რომ პრემიერს დაუპირისპირდეს, ეს არ არის ამოცანა არცერთი მთავრობის ეფექტურობისთვის. მე ვამბობ იმას, რომ საკუთარი პოლიტიკური პოზიცია ჰქონდეს იმ უწყების მიერ გასატარებელი პოლიტიკის მიმართ, რომელსაც ხელმძღვანელობენ, საკუთარი დამოუკიდებელი უწყებრივი პოლიტიკა განახორციელოს. მათ უბრალოდ არ აქვთ ასეთი პოლიტიკური განაცხადი, არასოდეს არ ჰქონიათ და არც არასოდეს არ ექნებათ“, - განაცხადა თინა ხიდაშელმა.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა