„ევროპელი სოციალისტები“ ირაკლი ღარიბაშვილს რუსეთის ხელისუფლებასთან პირდაპირი დიალოგის დაწყებისკენ მოუწოდებენ

„ევროპელი სოციალისტები“ პრემიერ-მინისტრს ირაკლი ღარიბაშვილს რუსეთის ხელისუფლებასთან პირდაპირი დიალოგის დაწყებისკენ მოუწოდებენ.

“ევროპელი სოციალისტები“ დარწმუნებული არიან, რომ საქართველოს მოსახლეობა ამას მიესალმება. მათივე შეფასებით, პრემიერ-მინისტრი თავისი დიპლომატიური ქმედებით და ჩვეული პრინციპულობით, პირდაპირი დიალოგის გზით, შესძლებს ურთულესი და უმნიშვნელოვანესი საკითხების გადაწყვეტის ოპტიმალური გზების მოძიებას, ხოლო “ქართველი ხალხი ამ განსაცდელის ჟამს გაერთიანდება და გვერდში დაუდგება პრემიერ- მინისტრს ამ ურთულესი მისიის შესრულებაში“.

“დღეს მსოფლიოში, მათ შორის ჩვენს რეგიონში და საქართველოში მიმდინარეობს უმნიშვნელოვანესი პოლიტიკური პროცესები. მსოფლიოში მიმდინარე მოვლენები, რაც გლობალური უსაფრთხოების გარანტიებს უკავშირდება, პირდაპირ აისახება ჩვენი ქვეყნის ფუნდამენტალურ ინტერსებზე და მის უსაფრთხოებაზე. გლობალური უსაფრთხოების სისტემის ახალი რეალობიდან გამომდინარე, რომელიც ყოველწუთიერად იცვლება, საქართველოს ეძლევა უნიკალური შანსი, დაიცვას თავისი ქვეყნის სასიცოცხლო ინტერესები, იმ გამოწვევებიდან და პრობლემებიდან გამომდინარე, რაც ქვეყნის წინაშე დგას ბოლო 30 წლის განმავლობაში, გვაქვს მხედველობაში ის, რომ ხელისუფლებამ, შუამავლის გარეშე, იმოქმედოს პირდაპირი დიალოგის ფორმატში, რასაც დღეს ალტერნატივა არ აქვს. ჩვენი ქვეყნის ინტერესებს, ჩვენზე უკეთესად ვერავინ ვერ დაიცავს. როგორც ამას აკეთებს თავისი ქვეყნის ინტერსების დამცველი ყველა ქვეყანა. კერძოდ, ამერიკა, საფრანგეთი, გერმანია, უნგრეთი, არგენტინა, შვედეთი, ფინეთი, ჩინეთი და სხვა.

ცნობილია, რომ საქართველოს დღევანდელ ხელისუფლებას არ მიუძღვის არანაირი ბრალი იმ რთული პოლიტიკური ვითარების შექმნაში, რომელიც საქართველოს თავს დაატყდა 21-ე საუკუნეში. ასევე მიგვაჩნია, რომ დღევანდელ ხელისუფლებას ძალუძს, დაიცვას ქვეყნის ინტერსები ყველა დონეზე და ყველანაირ ფორმატში, მიუხედავად არსებული უმძიმესი ზეწოლისა, რაც დღეს სახეზეა და ყოველდღიურად ვხედავთ თუ როგორ ილახება ჩვენი ქვეყნის სუვერენული ინტერესები. ამ უნიკალური შესაძლებლობების გათვალისწინებით, რომელიც საქართველოს მომავალში შეიძლება არ მიეცეს, და ამ შანსის არ გამოყენება ჩვენი ქვეყნისთვის იქნება გამოუსწორებელი შეცდომა, ღალატის ტოლფასი. ისტორია გვიჩვენებს, რომ ასეთი შეცდომები და ღალატი, განსაკუთრებით ბოლო პერიოდში საკმაოდ ბევრი იყო ჩვენს ქვეყანაში და ძვირად დაგვიჯდა.

პოლიტიკური პარტია „ევროპელი სოციალისტები“ მივმართავთ საქართველოს პრემიერ-მინისტრს ბატონ ირაკლი ღარიბაშვილს, პირადად მან, შექმნილი კრიზისული მდგომარეობიდან გამომდინარე, დაიწყოს პირდაპირი დიალოგი, მოლაპარაკებების მაგიდასთან, რუსეთის ფედერაციასთან, როგორც ამას ახორციელებენ მსოფლიოს და ევროპის მთელი რიგი ქვეყნების ლიდერები. იგივეს მოვუწოდებთ უკრაინის პრეზიდენტს“, - ნათქვამია “ევროპელი სოციალისტების“ განცხადებაში.

ამასთან, იმედს გამოთქვამენ, რომ საქართველოში აკრედიტირებული დიპლომატიური კორპუსი და საერთაშორისო ორგანიზაციები ხელს შეუწყობენ ხელისუფლებას და პრემიერ- მინისტრს ქვეყნისთვის ამ სასიცოცხლო მისიის განხორციელებაში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს