ნინო ბურჯანაძე - მოლოდინი მქონდა, რომ სალომე ზურაბიშვილი საქმის კურსში ჩაგვაყენებდა უკვე ჩატარებული კონსულტაციების თაობაზე - მგონია, რომ ამ ფორმატში ჩემი ადგილი არ არის

მქონდა მოლოდინი, რომ სალომე ზურაბიშვილი საქმის კურსში ჩაგვაყენებდა უკვე ჩატარებული კონსულტაციების თაობაზე - მგონია, რომ ამ ფორმატში ჩემი ადგილი არ არის, იქიდან გამომდინარე, რომ რაკურსი გადავიდა წარსულის შეფასებაზე,- ამის შესახებ "ერთიანი საქართველოს“ ლიდერმა ნინო ბურჯანაძემ პრეზიდენტ სალომე ზურაბიშვილთან შეხვედრის დატოვების შემდეგ განაცხადა.

როგორც ბურჯანაძე განმარტავს, წარსულის შეფასება ძალიან მნიშვნელოვანია, მაგრამ ეს ახლა ნომერ პირველი აქტუალობის არ არის.

"ეს არ არის ჩემი მხრიდან დემარში. მგონია, რომ ამ შემთხვევაში, ამ ფორმატში ჩემი ადგილი არ არის, იქიდან გამომდინარე, რომ რაკურსი გადავიდა უფრო წარსულის შეფასებაზე. მქონდა მოლოდინი, რომ სალომე ზურაბიშვილი ჩაგვაყანებდა საქმის კურსში უკვე ჩატარებული კონსულტაციების თაობაზე. როგორც მინიმუმ თავის მოსაზრებას გვეტყოდა იმასთან დაკავშირებით, თუ რა გზას ხედავს ის კრიზისიდან გამოსასვლელად. წარსულის შეფასება ძალიან მნიშვნელოვანია, მაგრამ ეს არ არის ახლა ნომერ პირველი აქტუალობის. მე არ ვარ ისტორიკოსი, რომელიც დაიწყებს წარსულის კომპეტენტურ შეფასებას. მე ვარ პოლიტიკური პარტიის ლიდერი, მოქმედი პოლიტიკოსი და ბუნებრივია, ნებისმიერ შეფასებასთან დაკავშირებით ჩემი პოლიტიკური ხედვა მექნება. ეს იმას არ ნიშნავს, რომ თუ მოქმედი ჯგუფები, რომლებიც ახლა უნდა შეიქმნას შეძლებენ ქვეყნისთვის მნიშვნელოვანი დეკლარაციის მიღებას, ამაში არ ჩავერთვები, კი ბატონო, მზად ვარ ხელი მოვაწერო დეკლარაციას ან მოსაზრებას, რომელსაც ვეთანხმები. ვფიქრობ, ამ ფორმატში ჩართულობა შედეგის მომტანი ვერ იქნება", - აღნიშნავს ბურჯანაძე.

კითხვაზე, მიიღებს თუ არა მონაწილეობას ეროვნული თანხმობის პროცესში, ნინო ბურჯანაძე პასუხობს: "ვნახოთ რა ფორმას მიიღებს შემდეგი ფორმატი. გთხოვთ, ჩემი პოზიცია დემარშად და გამიჯვნად არ ჩათვალოთ. ამ ფორმატს წარმატებას ვუსურვებ, უბრალოდ, მე ჯერ ჩემ თავს ამაში ვერ ვხედავ",- აღნიშნავს ბურჯანაძე.

ცნობისთვის, საქართველოს პრეზიდენტი სალომე ზურაბიშვილი სხვადასხვა სფეროს წარმომადგენელი ქალების მონაწილეობით პრეზიდენტის ადმინისტრაციაში შეხვედრას მართავს. როგორც შეხვედრის დაწყებამდე მათ ჟურნალისტებს განუცხადეს, სალომე ზურაბიშვილთან შეხვედრა სავარაუდოდ ეხება ეროვნული თანხმობის პროცესს. ისინი აღნიშნავენ, რომ აღნიშნული შეხვედრა ნაყოფიერი იქნება.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს