ხათუნა სამნიძე მიიჩნევს, რომ პერსონალურ მონაცემთა დაცვის სამსახურის უფროსის ასარჩევად კონკურსი ხელახლა უნდა გამოცხადდეს

პარლამენტის ოპოზიციონერი დეპუტატი ხათუნა სამნიძე მიიჩნევს, რომ პერსონალურ მონაცემთა დაცვის სამსახურის უფროსის ასარჩევად კონკურსი ხელახლა უნდა გამოცხადდეს.

როგორც სამნიძემ განაცხადა, პრემიერ-მინისტრის მიერ წარდგენილი კანდიდატების მოსმენისას საკმაოდ მძიმე შთაბეჭდილება დარჩა.

მისივე თქმით, კანდიდატების მოსმენისას არ ჩანდა, თუ რამდენად მზად არიან იყვნენ დამოუკიდებელი და გამბედავი.

"ძალიან მძიმე მოსასმენია, როცა ორივე კანდიდატი სახელმწიფო ინსპექტორის სამსახურის ორად გაყოფის გადაწყვეტილებას ეთანხმება, მაგრამ ვერ აფასებენ პროცესს, რასაც პარლამენტში გასული წლის ბოლოს ჰქონდა ადგილი. ჩვენ მათგან ამის გამბედაობა ვერ დავინახეთ. ვერც ერთისგან მოვისმინე შეფასება ლექსო ლაშქარავას საქმეზე, რომელზეც სახელმწიფო ინსპექტორს ჰქონდა დასკვნა და მან შინაგან საქმეთა სამინისტრო დააჯარიმა. სამწუხაროდ, ვერც ერთმა კანდიდატმა ამაზე მკაფიო პოზიცია ვერ დააფიქსირა. უმრავლესობას კონკურსის თავიდან გამოცხადებას ვურჩევდი. სესიაზე არც ერთ წარმოდგენილ კანდიდატს კენჭი არ უნდა ვუყაროთ - კონკურსი თავიდან უნდა გამოცხადდეს", - განაცხადა ხათუნა სამნიძემ.

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის წევრებმა დღევანდელ სხდომაზე პერსონალურ მონაცემთა დაცვის სამსახურის უფროსის პოსტზე ასარჩევად წარდგენილ კანდიდატებს მოუსმინეს.

აღნიშნულ თანამდებობაზე პრემიერ-მინისტრმა პარლამენტს ლელა ჯანაშვილისა და თამარ ალფაიძის კანდიდატურები შესთავაზა. მათგან უმრავლესობის მხარდაჭერა ლელა ჯანაშვილმა მიიღო.

კორნელი კაკაჩია - თუ ხელისუფლებას უნდა ქვეყანამ ევროპული მიმართულებით  თანმიმდევრულად იაროს, მან უნდა შექმნას პირობები, რომ ამ გზაზე პოლიტიკურ სპექტრში და საზოგადოებაში ფართო კონსენსუსი იქნა მიღწეული
რა ხდება ბანკებისა და სადაზღვევო კომპანიების ურთიერთობაში? - ინტერვიუ დაზღვევის კავშირის აღმასრულებელ მდივანთან, ლაშა ნიკოლაძესთან
ქართული პრესის მიმოხილვა 30.11.2023
1 იანვრიდან შპს „თელავგაზის“ არასაყოფაცხოვრებო (კომერციული) მომხმარებლებისთვის ბუნებრივი გაზის საფასური შეიცვლება
1 იანვრიდან შპს „სოკარ ჯორჯია გაზისა“ და სს „საქორგგაზის“ არასაყოფაცხოვრებო (კომერციული) მომხმარებლებისთვის ბუნებრივი გაზის საფასური შეიცვლება
CROSSOVER: კიდევ ერთის ძალა - ლურჯი ოკეანე ახალ, ყოველწლიურ ბიზნესღონისძიებას იწყებს
ზუმერის e-Commerce ევოლუცია - 5 მთავარი სიახლე zoommer.ge-ზე
სილქნეტი - დაჭრილ მებრძოლთა მხარდასაჭერად სამხედრო ატაშეების მარათონი გაიმართა
1 დეკემბერი - შიდსის მსოფლიო დღე - შიდსის ჯანდაცვის ფონდი გვახსენებს - „ჯერ არ დასრულებულა“
„ნექსია საქართველოს“ მმართველი პარტნიორი, გელა მღებრიშვილი Nexia-ს ქსელის EMEA-ს ბორდის წევრად აირჩიეს
სილქნეტი და Visa პირველ ერთობლივ აქციას აანონსებენ
გერმანული ტექნოლოგიით წარმოებული „იტონგის“ აირბლოკი, კომუნალური ხარჯების 40%-მდე დაზოგვის საშუალებას იძლევა - ინოვაცია ქართულ ბაზარზე