გიორგი ვაშაძე რომან გოცირიძეს - კრიტიკის ნაცვლად უმჯობესია, შემოგვიერთდეთ, რომ მეტ შედეგზე გავიდეთ

„სტრატეგია აღმაშენებლის“ ლიდერი გიორგი ვაშაძე „ნაციონალური მოძრაობის“ წევრ რომან გოცირიძეს მიმართავს და აცხადებს, რომ პენსიის დარიგების ფულს პენსიონერი საბანკო პროცენტიდან არ უნდა იხდიდეს და პენსიის დარიგება სახელმწიფოს ვალდებულებაა. ამ განცხადებით ვაშაძე საპენსიო სესხების პროცენტის დაწევის შესახებ გოცირიძის განცხადებას გამოეხმაურა და მოუწოდა მას, კრიტიკის ნაცვლად გაერთიანდნენ, რათა მეტ შედეგზე გავიდნენ.

„ბატონო რომან, არასწორია ჩასაფრებულის პოზიცია, ამ საკითხთან დაკავშირებით. რაც მთავარია, თქვენც გესმით, რომ პენსიის დარიგების ფულს პენსიონერი არ უნდა იხდიდეს საბანკო პროცენტიდან და პენსიის დარიგება სახელმწიფოს ვალდებულებაა! სამუშაო კიდევ ბევრია და ჩვენი მეორე მოთხოვნა, რომ საბანკო მომსახურების თავისუფალი არჩევანის შესაძლებლობა ჰქონდეს პენსიონერს, დაკმაყოფილებული არ არის. ამიტომ, შემოგვიერთდით და მოგვეხმარეთ, რომ მეტ შედეგზე გავიდეთ. ამჯერად ფაქტია, რომ პენსიონერი 10%-ით ნაკლებს გადაიხდის, რაც, ვფიქრობ, კარგია. ეგ 30 ლარი, რაც თქვენ თქვით, ცოტაა, მაგრამ ბევრს ეგეც არ აქვს ამ გაჭირვებულ ქვეყანაში. 3000-ლარიან სესხზე კი (საშუალოდ ამ მოცულობის სესხებია გაცემული) 300-ლარიანი შეღავათია“, - განაცხადა გიორგი ვაშაძემ.

ცნობისთვის, "ნაციონალური მოძრაობის" დეპუტატის რომან გოცირიძის განცხადებით, მორიგი მავნებლური გადაწყვეტილებაა, რომ მთავრობა 15 მილიონ ლარს აძლევს “ლიბერთი ბანკს” პენსიონერების სესხის პროცენტის დასაწევად. როგორც გოცირიძე აცხადებს, პროცენტის შემცირება სხვა გზითაც იყო შესაძლებელი.

ამირან გამყრელიძე - თანამდებობის დატოვებას ვფიქრობდი, თუმცა ორი-სამი წლის შემდეგ, როცა ბოლომდე მივიყვანდი ორ დიდ ეროვნულ პროექტს, მაგრამ „კაცი ბჭობდა და ღმერთი იცინოდაო“
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
ქართული პრესის მიმოხილვა 22.09.2022
თანამედროვე უსაფრთხოების დილემა: ქართული მრავალწახნაგა
Hallo - პირველი ვირტუალური მობილური ოპერატორი საქართველოში
Hotsale.ge-მ ვებგვერდზე განთავსებულ კვების ობიექტებში ჰიგიენურ-სანიტარული ნორმების მონიტორინგი დაიწყო
iPhone 14 უკვე ელიტ ელექტრონიქსში
ბაზისბანკის და ინტელექტ-კლუბ რა? სად? როდის? 10-წლიანი პარტნიორობა გრძელდება
საერთაშორისო სამეცნიერო კონფერენცია - "ონკოლოგია და ბირთვული მედიცინა" გაიმართა
კარფური და მასტერქარდი „ერთად ბავშვებისთვის“