ხელისუფლების ცვლილების შემდეგ 2 წელში ყველა დევნილმა ოჯახმა უნდა მიიღოს საკუთარი თავშესაფარი. პირველ 6 თვეში კი იმ ადამიანებმა, რომლებიც გაუსაძლის პირობებში ცხოვრობენ,- ამის შესახებ „ერთიანი ნაციონალური მოძრაობის” აფხაზეთის ორგანიზაციის თავმჯდომარემ, ბესო შენგელიამ ბრიფინგზე განაცხადა.
მან იძულებით გადაადგილებულ პირებთან ერთად კონკრეტული შენობები წარადგინა, რომლებშიც აღნიშნული ოჯახები ცხოვრობენ. მისივე ინფორმაციით, არსებობს ექსპერტიზის დასკვნა, რომ იქ ცხოვრება სიცოცხლისთვის საშიშია.
,,ივანიშვილი გვპირდებოდა, რომ 60 000 დოლარად 100 000 დევნილ ოჯახს აუშენებდა საცხოვრებელს. ჰკითხეთ ამ ადამიანებს დღეს რა მდგომარეობაში არიან, თავზე ენგრევათ ყველაფერი’’,- აღნიშნავს შენგელია.
მან ასევე საზოგადოებას გააცნო პარტიის ინიციატივა და გეგმა, რომლის თანახმადაც, ხელისუფლების ცვლილების შემდეგ 2 წელში ყველა დევნილმა ოჯახმა უნდა მიიღოს საკუთარი თავშესაფარი. პირველ 6 თვეში კი იმ ადამიანებმა, რომლებიც მსგავს გაუსაძლის პირობებში ცხოვრობენ.
,,ხელისუფლება წლების განმავლობაში არაფერს აკეთებს დევნილთა საყოფაცხოვრებო პირობების გასუმჯობესებლად. ეს ადამიანები 30 წელია სიცოცხლისა და ჯანმრთელობისთვის გაუსაძლის პირბებში ცხოვრობენ“, - აღნიშნა ბესო შენგელიამ.