თსსუ-ის საუნივერსიტეტო კლინიკიდან პაციენტი გადახდა. პირველი საუნივერსიტეტო საავადმყოფოს კლინიკური დირექტორი, ლალი ტურძელაძის ინფორმაციით, კლინიკაში საგამოძიებო მოქმედებები მიმდინარეობს.

"რაღაცით გააღო ფანჯარა და გადახტა. პალატაში ორნი იყვნენ. ერთი გაეწერა, ეს დარჩენილი იყო",- აღნიშნავს ტურძელაძე "ტვ პირველთან".

მისივე ინფორმაციით, პაციენტი კლინიკას ხვალ დატოვებდა. ამასთან როგორც ის აღნიშნავს, პაციენტს "კარგი ანალიზები ჰქონდა და მდგომარეობიდან გამოსული იყო".

პაციენტი გარდაიცვალა. პირველი საუნივერსიტეტო საავადმყოფოს კლინიკური დირექტორი, ლალი ტურძელაძის ინფორმაციით, ბიოლოგიური სიკვდილი 19:00 საათზე დაფიქსირდა.

"ინტერპრესნიუსი" დეტალებს შსს-ში არკვევს.