ბადრი ჯაფარიძისთვის სადეპუტატო მანდატის შეწყვეტის შედეგად, “ლელო“ საბიუჯეტო დაფინანსებას კარგავს

ბადრი ჯაფარიძისთვის სადეპუტატო მანდატის შეწყვეტის შედეგად, პარტია “ლელო“ საბიუჯეტო დაფინანსებას კარგავს. ამასთან, საპარლამენტო ფრაქცია “ლელო - პარტნიორობა საქართველოსთვის“ შესაძლოა დაიშალოს, რადგან ფრაქცია მინიმალური რაოდენობით არის წარმოდგენილი და თუ ჯაფარიძის ადგილს რომელიმე დეპუტატი არ დაიკავებს, ფრაქცია გაუქმებულად გამოცხადდება.

1-ელ თებერვალს ძალაში პარლამენტის მიერ გასული წლის 22 ივნისს “მოქალაქეთა პოლიტიკური გაერთიანებების შესახებ“ კანონში განხორციელებული ცვლილებები შევიდა, რომლის თანახმად, პარტია სახელმწიფო ბიუჯეტიდან დაფინანსებას კარგავს, თუ ამ პარტიის წარდგენით არჩეულ პარლამენტის წევრთა ნახევარს ან ნახევარზე მეტს პარლამენტის წევრის უფლებამოსილება ვადამდე უწყდება, ხოლო მათ ადგილმონაცვლეთა უფლებამოსილების ცნობა შეუძლებელია. აღნიშნული გარემოების წარმოშობის შემთხვევაში, პარტიას სახელმწიფო ბიუჯეტიდან დაფინანსება მომდევნო კალენდარული თვის პირველი დღიდან უნდა შეუწყდეს.

პარტია “ლელოს“ საარჩევნო სიით პარლამენტში ოთხი დეპუტატი შევიდა, რომელთაგან ორს - მამუკა ხაზარაძესა და ბადრი ჯაფარიძეს მანდატი შეუწყდათ.

ანალოგიური საფუძვლით საბიუჯეტო დაფინანსებას ასევე “ლეიბორისტული პარტია“ კარგავს, რომლის ლიდერს შალვა ნათელაშვილს პარლამენტის გადაწყვეტილებით უფლებამოსილება შეუწყდა.

ცენტრალურმა საარჩევნო კომისიამ პარლამენტს უკვე მიმართა, ცესკოს აცნობოს, ახალი კანონის საფუძველზე პარტიათა მიერ დაფინანსების დაკარგვის ფაქტების თაობაზე, რათა მათი მხრიდან უზრუნველყოფილ იქნას კანონით განსაზღვრული ღონისძიებების განხორციელება.

ცნობისთვის, ცენტრალური საარჩევნო კომისიის თავმჯდომარის 2021 წლის 5 აგვისტოს განკარგულების გათვალისწინებით, “ლელოს“ წლიური დაფინანსება - 803.560.00 ლარს, ხოლო “ლეიბორისტული პარტიის” დაფინანსება 289.710.00 ლარს შეადგენს.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე