ხატია დეკანოიძე ფინანსთა მინისტრს - ძალიან დაბალი დონის პრეზენტაცია გქონდათ, გულწრფელად რომ გითხრათ და არაფერი საინტერესო, გარდა ხელისუფლების ქება-დიდებისა

თქვენი ხელისუფლების სტანდარტისთვისაც კი ძალიან დაბალი დონის პრეზენტაცია გქონდათ, გულწრფელად რომ გითხრათ და არაფერი საინტერესო, გარდა ხელისუფლების ქება-დიდებისა, ამ პრეზენტაციაში არ იყო, - ასე მიმართა ფრაქცია „ნაციონალური მოძრაობა – ძალა ერთობაშიას“ თავმჯდომარე ხატია დეკანოიძემ პარლამენტში, „მინისტრის საათის“ ფორმატში მყოფ ფინანსთა მინისტრს, ლაშა ხუციშვილს.

დეპუტატმა მინისტრს რამდენიმე კითხვით მიმართა, მათ შორის, დაინტერესდა პანდემიის პირობებში რა უჯდება სახელმწიფოს ერთი ინფიცირებულის მკურნალობა.

„იმ ფონზე, როდესაც ქვეყანაში ვაქცინაცია ჩავარდნილია, პრემიერ-მინისტრი გვყავს ანტივაქსერი და ისეთი განცხადებები გააკეთა მან, რომ ვაქცინის მიმართ მოსახლეობას ნდობა კიდევ უფრო შეერყა, კითხვა მაქვს - რა ჯდება ერთი ადამიანის მკურნალობა და ჰოსპიტალიზაცია და რა ხარჯს წევს სახელმწიფო? დაახლოებით, 1,5 მილიონი ინფიცირებული გვყავს და აქედან 225-მა ჰოსპიტალური სექტორი გამოიარა. რატომ არის, რომ სახელმწიფოს ანტივაქსერული პოლიტიკა კიდევ უფრო დიდ ტრავმად აწევს ეკონომიკას? ამ კოვიდის პირობებში, ძალიან მძიმე მდგომარეობა აქვთ ინტერნეტის კუთხით ბავშვებს და ოჯახებს. ბიძინა ივანიშვილმა 2016 და 2018 წელს ფონდ „ქართუს“ მეშვეობით დაანონსა სკოლის პროგრამები, რომელიც ჯერ კიდევ 2012 წელს, როცა მე განათლების მინისტრი ვიყავი, მაშინ დაიწყო. მაინტერესებს რა ბედი ეწია ამ ინტერნეტიზაციის პროგრამას, სად არის გაჩერებული პროგრამა და რამდენ ბავშვს მიეცით ინტერნეტი?“ - მიმართა ფინანსთა მინისტრს ხატია დეკანოიძემ.

ასევე, დეპუტატი დაინტერესდა, რა ინვესტიციები მოიზიდა პრემიერ-მინისტრის უცხოელმა მრჩეველმა და სად არის დაანონსებული ფინანსური ცენტრი, რომელიც საქართველოში უნდა შექმნილიყო.

„თქვენ რომ ძალიან დიდ ხელფასს უხდით პრემიერ-მინისტრის უცხოურ მრჩეველს, სად არის ეს ადამიანი, რა გააკეთა, რა ფინანსური ცენტრი ჩამოაყალიბეთ და ინვესტიციები სად არის, რომლის კლება გვაქვს პირიქით?“ - განაცხადა დეკანოიძემ.

დეპუტატმა ფინანსთა მინისტრს ასევე მიმართა კითხვით, უკრაინაში მიმდინარე მოვლენების ფონზე აქვს თუ არა მას გათვლები საქართველოს მხრიდან ჰუმანიტარული დერეფნის ამოქმედებასთან დაკავშირებით.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა