ლევან დოლიძე - მმართველი პარტიის თავმჯდომარის ბოლოდროინდელი განცხადებები მხოლოდ ავტორის სისუსტეებსა და პოლიტიკური კულტურის დაბალ სტანდარტებზე არ მიუთითებს - გაცილებით უფრო სერიოზული პრობლემების მანიშნებელია

გიორგი გახარიას პოლიტიკური მრჩევლის, ლევან დოლიძის განცხადებით, „ქართული ოცნების“ თავმჯდომარის, ირაკლი კობახიძის ბოლოდროინდელი განცხადებები სცდება როგორც პოლიტიკის, ისე „ქართული ოცნების“ შიდა პრობლემის ფარგლებს.

ამასთან დაკავშირებით დოლიძე სოციალურ ქსელში განცხადებას ავრცელებს.

„მმართველი პარტიის თავმჯდომარის ბოლოდროინდელი განცხადებები მხოლოდ ავტორის სისუსტეებსა და პოლიტიკური კულტურის დაბალ სტანდარტებზე არ მიუთითებს. საქართველოს შემთხვევაში, ეს გაცილებით უფრო სერიოზული პრობლემების მანიშნებელია და აშკარად სცდება როგორც პოლიტიკის, ასევე თავად „ქართული ოცნების“ შიდა პრობლემის ფარგლებს.

ამ მხრივ, გასათვალისწინებელია, რომ ქვეყნებისთვის, რომლებიც ნაკლებად არიან დაცულნი რთული კრიზისებისგან, პერიოდულად დგება ეტაპები, როდესაც სახელმწიფოს ბედი დიდწილადაა დამოკიდებული მმართველი ლიდერების პროფილზე, მათ სიმტკიცეზე, ფასეულობებზე, რომელთა მიხედვითაც ისინი მოქმედებენ და შესაბამისად - საზოგადოების პატივისცემასა და ნდობაზე მათ მიმართ. სამწუხაროდ, უკრაინის წინააღმდეგ რუსეთის აგრესიამ კიდევ ერთხელ შეგვახსენა ამ თემის კარგად გააზრების მნიშვნელობა.

ცხადია, ასევე ყურადღებას იქცევს თავად კონტექსტი - როდის და რა ვითარებაში კეთდება ხსენებული განცხადებები და საითკენაა მიმამართული იმ პოლიტიკოსების ყურადღება, რომლებსაც ქვეყნის მმართვის პასუხისმგებლობა აკისრიათ.

ამის შესახებ ყველაზე მეტად რეგიონში მიმდინარე პროცესებმა და ეროვნული უსაფრთხოების საკითხებმა დამაფიქრა. სხვა მხრივ, ახალი არც არაფერია და ნაკლებ ყურადღებას იმსახურებს!“, - წერს „ფეისბუქის“ საკუთარ გვერდზე ლევან დოლიძე.

ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 26.09.2022
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
სვისმედკომერსი - უმტკივენულო ანესთეზიის ტექნოლოგიის დანერგვა საქართველოს ბაზარზე
ლისის ტბაზე LISI VIBES გაიმართება
ლიბერთიმ მეთხილე ფერმერებისთვის ახალი აგროპროექტი დაიწყო
განახლებული ვაკის საცურაო აუზი ახალ სეზონს მასპინძლობს
ლიბერთის ახალი აქცია სამომხმარებლო სესხზე