კარლ ჰარცელი - ჩვენ მხარს ვუჭერთ ქვეყნების სუვერენულ უფლებას, თავად გააკეთონ არჩევანი და ვეწინააღმდეგებით გავლენის სფეროების დაწესებას

ის, რასაც ვხედავთ აღმოსავლეთ უკრაინაში ბოლო დღეების განმავლობაში, სრულად დაგმო ევროკავშირმა, მათ შორის მძიმე შეიარაღების გამოყენება, სამოქალაქო ტერიტორიების დაბომბვა. ევროკავშირი დგას ტრანსატლანტიკურ პარტნიორებთან, ნატო-სთან, „დიდ შვიდეულთან“ და სხვებთან ერთად, - ამის შესახებ საქართველოში ევროკავშირის ელჩმა კარლ ჰარცელმა განაცხადა.

„ვმოქმედებთ ევროპული უსაფრთხოების წესრიგთან დაკავშირებით ეუთო-ს მიერ დაწესებული ფუნდამენტური პრინციპების საფუძველზე, ჩვენ მხარს ვუჭერთ ქვეყნების სუვერენულ უფლებას, თავად გააკეთონ არჩევანი და ვეწინააღმდეგებით გავლენის სფეროების დაწესებას, მხარს ვუჭერთ სუვერენიტეტისა და ტერიტორიული მთლიანობას, პრინციპებს, რომელიც მნიშვნელოვანია არა მხოლოდ უკრაინისთვის, არამედ ეს არის ის, რასაც ჩვენ ასევე მხარს ვუჭერთ აქ, საქართველოშიც,“- აღნიშნა ელჩმა.

მისი თქმით, ევროკავშირის, სიტუაციის დიპლომატიურად მოგვარების გზების ძიების პარალელურად მკაცრი პასუხისთვისაც ემზადება, იმ შემთხვევაში, თუ რუსეთი უკრაინის მიმართ აგრესიულ ქმედებას განახორციელებს.

„სიტუაციის დიპლომატიურად მოგვარების გზების ძიების პარალელურად, ჩვენ ასევე ვდგამთ ნაბიჯებს, იმისთვის, რომ მზად ვიყოთ პასუხის გასაცემად სამხედრო აგრესიის შემთხვევაში, რაც გამოიწვევს მასიურ შედეგებს და მკაცრ საფასურს, მათ შორის ეკონომიკური და ფინანსური ზომების საშუალებით, რომელსაც გაატარებენ ევროკავშირი და მისი პარტნიორები. ჩვენ ვიცავთ ამ პრინციპებს, ჩვენ ვიჩენთ სოლიდარობას ჩვენი პარტნიორების მიმართ.

ჩვენ გვაქვს ხედვა ამ სამეზობლოსთან დაკავშირებით, რომელიც არის ხედვა ძალიან ძლიერი, მდგრადი, წარმატებული, დემოკრატიული ქვეყნებისთვის. ეს არის ის, რისი შერყევისთვისაც კრემლი აქტიურად მუშაობს,“- აღნიშნა ელჩმა.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 06.10.2022
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო