უკრაინის დედაქალაქ კიევს მოსახლეობის ნაწილი ავტომობილებით ტოვებს. მედიასაშუალებებში ვრცელდება გრძელი საცობების ამსახველი ფოტომასალა. მოსახლეობის ნაწილმა კიევის დატოვება რუსეთის თავდასხმის შემდეგ დაიწყო. ავტომანქანები დასავლეთით მიემართებიან, იმ ადგილისგან მოშორებით, სადაც დღეს დილით გავრცელებული ინფორმაციით აფეთქება მოხდა.

CNN-ის ინფორმაციით, კიევში, მეტროები იმპროვიზირებულ ბუნკერებად გადაიქცა. მათივე ინფორმაციით, კიევის მეტროები სავსეა ხალხით, რომელთაც სხვადასხვა საჭიროების ნივთები აქვთ მომარაგებული.

ცნობისთვის, ვრცელდება ინფორმაცია, რომ კიევში აფეთქების ხმა ქალაქის აღმოსავლეთიდან ბორისპოლის აეროპორტის მიდამოებიდან ისმოდა.