ფრაქცია „ქართული ოცნების“ თავმჯდომარე, მამუკა მდინარაძე უკრაინას მხარდაჭერას უცხადებს და მიიჩნევს, რომ რუსეთი უკრაინაში ომის დაწყებით ყველა საერთაშორისო სტანდარტს უხეშად არღვევს.
როგორც ის სოციალურ ქსელში წერს, ახლა საერთაშორისო თანამეგობრობის უმთავრესი საზრუნავი მშვიდობის უზრუნველყოფა და რუსეთის ქმედებაზე ადეკვატური რეაქციები უნდა იყოს.
„უკრაინაში ომით რუსეთი უხეშად არღვევს ყველა საერთაშორისო სტანდარტს და ნორმას. საერთაშორისო თანამეგობრობის უმთავრესი საზრუნავი ახლა მშვიდობის უზრუნველყოფა და რუსეთის ქმედებაზე ადეკვატური რეაქციები უნდა იყოს. ჩვენი მხარდაჭერა უკრაინელ ხალხს!“, - წერს მამუკა მდინარაძე.