ამერიკის შეერთებული შტატები უკრაინას მეტ იარაღს მიაწვდის. უკრაინული მედიის ინფორმაციით, ამის შესახებ უკრაინაში ამერიკის შეერთებული შტატების საელჩოს განცხადებაშია ნათქვამი.

„შეერთებული შტატები, რა თქმა უნდა, უკრაინას მეტ იარაღს მიაწვდის თავდასაცავად. დღეს უკვე შესაძლებელია ახალი სანქციების გაჟღერების დალოდება“, - ნათქვამია განცხადებაში.

საელჩოს ცნობით, მოკავშირეები და პარტნიორები რუსეთის წინააღმდეგ შემოიღებენ უმკაცრეს სანქციებს, რისთვისაც „დიდი შვიდეულის“ ლიდერები შეიკრიბებიან და ამ პროცესს შეათანხმებენ.

„პრეზიდენტმა პუტინმა აირჩია წინასწარგანზრახული ომი, რომელიც მიგვიყვანს კატასტროფულ დანაკარგებამდე. მხოლოდ რუსეთი აგებს პასუხს სიკვდილზე და ნგრევაზე, რომელსაც ეს დარტყმა მოიტანს, ხოლო მოკავშირეები და ნატოს პარტნიორები პასუხს გასცემენ გაერთიანებით და გადამწყვეტი საშუალებით“, - ნათქვამია საელჩოს განცხადებაში, რომელსაც გამოცემა „ცენზორი“ ავრცელებს.