ირაკლი ღარიბაშვილი - მინდა დავადასტურო ჩვენი სოლიდარობა უკრაინის მიმართ და მოვუწოდოთ საერთაშორისო თანამეგობრობას, ყველაფერი გააკეთონ იმისთვის, რათა საომარი მოქმედებები შეჩერდეს

სუვერენულ სახელმწიფოზე თავდასხმა და საბრძოლო მოქმედებები არის აბსოლუტურად მიუღებელი და ეწინააღმდეგება საერთაშორისო სამართლის პრინციპებს. ჩვენი სახელმწიფო და ხელისუფლება შესაძლებლობების ფარგლებში ყველაფერს აკეთებს იმისთვის, რათა პოლიტიკური და ჰუმანიტარული მხარდაჭერა აღმოუჩინოს უკრაინას, - ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებთან უკრაინაში მიმდინარე მოვლენებზე საუბრისას განაცხადა.

პრემიერ-მინისტრი საერთაშორისო თანამეგობრობას მოუწოდებს, რომ „ყველაფერი გააკეთონ იმისთვის, რათა საომარი მოქმედებები შეჩერდეს“.

„კიდევ ერთხელ მინდა ჩემი სოლიდარობა გამოვხატო უკრაინის და უკრაინელი ხალხის მიმართ. ჩემს გუშინდელ განცხადებაშიც ვთქვი, რომ სუვერენულ სახელმწიფოზე თავდასხმა, საბრძოლო მოქმედებები არის აბსოლუტურად მიუღებელი და ეწინააღმდეგება საერთაშორისო სამართლის პრინციპებს. ჩვენი სახელმწიფო და ხელისუფლება შესაძლებლობების ფარგლებში ყველაფერს აკეთებს იმისთვის, რათა პოლიტიკური და ჰუმანიტარული მხარდაჭერა აღმოუჩინოს უკრაინას. ის, რაც უკრაინაში ხდება არის დიდი ტრაგედია, ამ ომით, რომელიც სამწუხაროდ, ვერ იქნა შეკავებული და თავიდან აცილებული, ყველაზე მეტად დაზარალდება უკრაინის სუვერენიტეტი, ტერიტორიული მთლიანობა და უკრაინელი ხალხი. ომს არანაირი გამართლება არ აქვს, ჩვენ ეს ყველაფერი ჩვენს თავზე გამოვცადეთ 2008 წელს, როდესაც სამწუხაროდ, თავიდან ვერ იქნა აცილებული ტრაგიკული მოვლენები. გახსოვთ, რომ ამან ძალიან მძიმე შედეგები მოუტანა ჩვენს ქვეყანას, დაიხოცნენ ჩვენი გმირი ჯარისკაცები, დავკარგეთ ტერიტორიები. ომი ყველასთვის არის მიუღებელი, არცერთ მხარეს არ ჰყავს გამარჯვებული იმიტომ, რომ ზიანი ორივე მხარეს მიადგება. მინდა დავადასტურო ჩვენი სოლიდარობა და მოვუწოდოთ საერთაშორისო თანამეგობრობას, რომ ყველაფერი გააკეთონ იმისთვის, რათა საომარი მოქმედებები შეჩერდეს“, - აღნიშნა ირაკლი ღარიბაშვილმა.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე