უკრაინა ევროკავშირს დაუყოვნებლივ გაწევრიანებას ახალი სპეცპროცედურის მიხედვით სთხოვს,- ამის შესახებ ქვეყნის პრეზიდენტმა ვოლოდიმირ ზელენსკიმ გავრცელებულ ვიდეომიმართვაში განაცხადა.

მან ამასთანავე, აღნიშნა, რომ უკრაინა მადლობელია თავისი პარტნიორების, იმისთის, რომ მის გვერდით არიან.

„ჩვენ მივმართავთ ევროკავშირს უკრაინის დაუყოვნებელ მიერთებასთან დაკავშირებით ახალი სპეციალური პროცედურით. ჩვენი მიზანი ევროპელებთან ერთად და რაც მთავარია - თანასწორად ყოფნაა“, - განმარტა მან.

ზელენსკი დარწმუნებულია, რომ ასეთი გადაწყვეტილება სამართლიანი იქნება.

„დარწმუნებული ვარ, რომ ჩვენ ეს დავიმსახურეთ, დარწმუნებული ვარ, რომ ეს ყველაფერი შესაძლებელია“, - აღნიშნა ზელენსკიმ.