სამხრეთ უკრაინის ქალაქ მარიუპოლის მერი ვადიმ ბოიჩენკო აცხადებს, რომ გუშინდელი დღე ყველაზე რთული დღე იყო ქალაქისთვის.

მისი თქმით, უკრაინული ძალები ვაჟკაცურად ებრძვიან მათ, ვინც მშვიდობიანი მოქალაქეების სახლებს ესვრიან.

ქალაქის კრიტიკული ინფრასტრუქტურა საფრთხის ქვეშაა და მოქალაქეები წყლისა და ელექტროენერგიის გარეშე არიან დარჩენილები. მერმა ქალაქის მოსახლეობას მიმართა და გმირები უწოდა.

„ძვირფასო მარიუპოლელებო, დიდი გმირები ხართ. ყველა ჩვენგანი ვიბრძვით თავისუფლებისთვის, ჩვენი ქვეყნისთვის, ჩვენი ერთადერთი მარიუპოლისთვის. სიმართლე ჩვენთანაა. გამარჯვება ჩვენს მხარეზე იქნება“, - აღნიშნა მერმა.

შეგახსენებთ, გუშინ მერმა განაცხადა, რომ რუსული ძალების მხრიდან ინტენსიური დაბომბვების შედეგად ქალაქის საავადმყოფოებში 128 ადამიანია მოთავსებული და ექიმები უწყვეტად მუშაობენ მარიუპოლელების სიცოცხლის გადასარჩენად.