ევროპის საინვესტიციო ბანკის დირექტორთა საბჭომ უკრაინისთვის 668 მილიონი ევროს ოდენობით გადაუდებელი ფინანსური დახმარების შესახებ გადაწყვეტილებას მხარი დაუჭირა. ამის შესახებ ბანკის პრესრელიზშია აღნიშნული. ამ დახმარებას უკრაინა რამდენიმე დღეში მიიღებს.

ინფორმაციაში ნათქვამია, რომ ეს ფინანსური დახმარება უკრაინის ხელისუფლებას დაეხმარება დაიკმაყოფილოს ყველაზე გადაუდებელი ფინანსური საჭიროება, მათ შორის საკვები პროდუქტების შესაძენად, სამედიცინო უზრუნველყოფისთვის და საწვავისთვის, რომელიც მოქალაქეებისთვის იქნება განკუთვნილი.

გარდა ამისა, დირექტორთა საბჭო დათანხმდა, რომ უკრაინისადმი სოლიდარობისთვის საგანგებო პაკეტთან დაკავშირებით, ბანკმა შემდგომი ინიციატივები განაგრძოს.