აშშ - რუსეთმა უკრაინაში შეჭრისას გამოყენებული სამხედრო აქტივების 8%-10% დაკარგა
აშშ-ის შეფასებით, უკრაინაში შეჭრისას გამოყენებული რუსული სამხედრო აქტივების 8%-10% ამჟამად განადგურებული ან გამოუსადეგარია, - CNN-ის ინფორმაციით, ამის შესახებ აშშ-ის ხელისუფლების ოფიციალურმა პირმა განაცხადა.
დაკარგული აღჭურვილობა მოიცავს ტანკებს, თვითმფრინავებს, არტილერიას და სხვა სამხედრო აქტივებს.
ოფიციალური პირის განცხადებით, აშშ-ის შეფასების თანახმად, უკრაინელი სამხედროების მიერ დაკარგული საკუთარი აქტივების პროცენტული მაჩვენებელიც იგივეა, რაც რუსეთის.
